ସତ୍ୟଶିଖା(କଟକ )୨୫.୦୯ .୨୦୨୧: ଗତକାଲି ମୁଣ୍ଡଳିରେ ଫସି ଥିବା ହାତୀର ମୃତଦେହ ଠାବ ହୋଇଛି । ମୁଣ୍ଡଳି ବ୍ରିଜ୍ ଉପରମୁଣ୍ଡରେ ଥିବା ମହାନଦୀ ପଠାରେ ହାତୀର ମୃତଦେହକୁ ଠାବ କରିଛି ବନବିଭାଗ । ବନବିଭାଗ ଏହାକୁ ଲୁଚାଇଦେବାକୁ ଉଦ୍ୟମ ଚଳାଇଛି । ଆଠଗଡ଼ ଡିଏଫଓଙ୍କ ସହ ଆଠଗଡ଼ ରେଞ୍ଜର ଓ ପ୍ରାଣୀ ଚିକିତ୍ସକ ଏକ କାଠୁଆ ଡଙ୍ଗାରେ ଶବ ବ୍ୟବଚ୍ଛେଦ କରିବା ପାଇଁ ମହାନଦୀ ପଠାକୁ ଯାଇଛନ୍ତି ।
ଦିନ ତମାମ ପାଣି ଭିତରେ ରହି ଗତାକଲି ରାତିରେ ହାତୀ ଟି ମୁଣ୍ଡଳି ବ୍ରିଜରୁ ଭାସି ଯାଇଥିଲା । ସକାଳୁ ତାର ପତ୍ତା ମିଳୁନଥିବାବେଳେ ଖୋଜାଖୋଜି ଜାରି ରହିଥିଲା । ସେପଟେ ଧବଳେଶ୍ୱର ନିକଟରୁ ସକାଳୁ ଏନଡିଆରଏଫ ଟିମ୍ ଏକ ମୃତଦେହ ଉଦ୍ଧାର କରିଛି । ମୃତଦେହ କାହାର ଏପର୍ଯ୍ୟନ୍ତ ସ୍ପଷ୍ଟ ସୂଚନା ମିଳିନଥିବାବେଳେ ଏବେ ଓଡ୍ରାଫ ଟିମ୍ ର ଯବାନ ଏବେ ବି ନିଖୋଜ ରହିଛନ୍ତି । ତାଙ୍କୁ ଉଦ୍ଧାର ପାଇଁ ସର୍ଚ୍ଚ ଅପରେସନ ଜାରି ରହିଛି ।
