ଲଗାତର ୩ ଦିନ ବନ୍ଦ ରହିବ ବ୍ୟାଙ୍କ

ସତ୍ୟଶିଖା (ନୂଆଦିଲ୍ଲୀ) ୧୩/୧୧/୨୦୨୦ : ଶୁକ୍ରବାର ଦିନ ସମୟ ପୂର୍ବରୁ ବ୍ୟାଙ୍କ କାର୍ଯ୍ୟ ଶେଷ କରିନିଅନ୍ତୁ । ନଚେତ ନିଜ କାର୍ଯ୍ୟ ପାଇ ୩ ଦିନ ଅପେକ୍ଷା କରିବାକୁ ପଡ଼ିବ । ଲଗାତର ୩ ଦିନ ବ୍ୟାଙ୍କ ବନ୍ଦ ରହିବାକୁ ଥିବା ବେଳେ ବ୍ୟାଙ୍କ ସମ୍ବନ୍ଧୀୟ କାର୍ଯ୍ୟ ଆପଣଙ୍କର ଅଧାରେ ରହିଯିବାର ସମ୍ଭାବନା ଅଧିକ । ଦେଶର ବିଭିନ୍ନ କ୍ଷେତ୍ରରେ ଲଗାତର ୩ ଦିନ ବ୍ୟାଙ୍କ ବନ୍ଦ ରହିବ ।

ଶନିବାର ଦୀପାବଳି ଯୋଗୁ ବ୍ୟାଙ୍କ ବନ୍ଦ ରହିବାକୁ ଥିବା ବେଳେ ୧୫ ନଭେମ୍ବର ଦିନ ରବିବାର ଯୋଗୁ ସ୍ବାଭାବିକ ଭାବେ ବ୍ୟାଙ୍କ ବନ୍ଦ ରହିବ । କିନ୍ତୁ ୧୬ ନଭେମ୍ବରରେ ବିଭିନ୍ନ ସ୍ଥାନରେ ଭାଇଜୁଦ ପାଳନ କରାଯିବ । ଭାଇଜୁଦ ପାଳନ ପାଇଁ ଅନେକ ରାଜ୍ୟରେ ବ୍ୟାଙ୍କ ଛୁଟି ରହିବ ବୋଲି ଜଣାଡ଼ିଛି । ଏହାର ଅର୍ଥ ପୁଣି ୧୭ ନଭେମ୍ବରରୁ ବ୍ୟାଙ୍କ ସେବା ଆରମ୍ଭ ହେବ ।ଏହା ପରେ ପୁଣି ୨୦ ଓ ୨୧ ନଭେମ୍ବରରେ ଛଠ ପର୍ବ ଥିବାରୁ ବ୍ୟାଙ୍କ ଛୁଟି ରହିବ । ତା ପରଦିନ ରବିବାର ପଡ଼ୁଛି । ତେବେ ବାକି ରହିଥିବା କାର୍ଯ୍ୟ ପାଇଁ ଗ୍ରାହକଙ୍କୁ ୧୭,୧୮ ଓ ୧୯ ନଭେମ୍ବର ମିଳିବ । ତେବେ ଏହି ସମୟରେ ଏଟିଏମ୍‌ରେ ଟଙ୍କା ମିଳିବା ବି ମୁସ୍‌କିଲ ହୋଇପାରେ । କିନ୍ତୁ ଏହି ସମୟରେ ଅନଲାଇନ୍‌ ବ୍ୟାଙ୍କିଙ୍ଗ ମାଧ୍ୟମରେ ଟ୍ରାଞ୍ଜାକ୍ସନ କରିପାରିବେ ।  ଟଙ୍କା ଟ୍ରାନ୍ସଫର ସହିତ ଅନ୍ୟ ଅନ୍‌ଲାଇନ୍‌ ପେମେଣ୍ଟ ମଧ୍ୟ କରିପାରିବେ ।