ସତ୍ୟଶିଖା (ନୂଆଦିଲ୍ଲୀ) ୨୯/୧୨/୨୦୨୦ : ଭାରତୀୟ ଜାତୀୟ ରାଜପଥ କର୍ତ୍ତୃପକ୍ଷ (ଏନ୍ଏଚ୍ଏଆଇ)ର ‘ମାଇଁ ଫାସ୍ଟ୍ୟାଗ୍ ଆପ୍’ରେ ନୂଆ ସୁବିଧା ସାମିଲ କରାଯାଇଛି । ଏହା ଜରିଆରେ ବ୍ୟବହାରକାରୀମାନେ ନିଜ ଫାସ୍ଟ୍ୟାଗ୍ ଆକାଉଣ୍ଟ୍ର ବାଲାନ୍ସ ଜାଣିପାରିବେ । ଆପ୍ରେ ‘ଚେକ୍ ବାଲାନ୍ସ ଷ୍ଟାଟସ୍’ ସୁବିଧାକୁ ଯୋଡ଼ା ଯାଇଛି । ବ୍ୟବହାରକାରୀମାନେ ନିଜ ଗାଡ଼ିର ନମ୍ବର ଦେଇ ଆକାଉଣ୍ଟ୍ ବାଲାନ୍ସ ଜାଣିପାରିବେ ।
ଉଭୟ ଗାଡ଼ି ମାଲିକ ଏବଂ ଟୋଲ୍ ପ୍ଲାଜା ଅପରେଟର ଆକାଉଣ୍ଟ୍ ବାଲାନ୍ସକୁ ଜାଣିପାରିବେ । ଆକାଉଣ୍ଟ୍ ବାଲାନ୍ସକୁ ବିଭିନ୍ନ ରଙ୍ଗ ଜରିଆରେ ପ୍ରଦର୍ଶିତ କରାଯାଉଛି । ପର୍ଯ୍ୟାପ୍ତ ପରିମାଣର ବାଲାନ୍ସ ଥିଲେ ସବୁଜ ରଙ୍ଗ, କମ୍ ବାଲାନ୍ସ ଥିଲେ କମଳା ଓ ବ୍ଲାକ୍ ଲିଷ୍ଟ୍ ଥିବା ଟ୍ୟାଗ୍ ପାଇଁ ଲାଲ୍ ରଙ୍ଗ୍ କୋଡ୍କୁ ବ୍ୟବହାର କରାଯାଉଛି ।
