ସତ୍ୟଶିଖା (ଭୁବନେଶ୍ୱର ) ୨୭.୦୨.୨୦୨୩ : ୨ ଦିନର ବିରତି ପରେ ଆଜିଠୁ ପୁଣି କମ୍ପିବ ବିଧାନସଭା । ସରକାରଙ୍କୁ ଘେରିବାକୁ ପ୍ରସ୍ତୁତ ହୋଇଛନ୍ତି ବିରୋଧି । ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ନବ ଦାସ ହତ୍ୟା ମାମଲାକୁ ୨୮ ଦିନ ବିତିଥିଲେ ବି ସାଇଲେଣ୍ଟ ରହିଛି କ୍ରାଇମବ୍ରାଞ୍ଚ । ଷଡ଼ଯନ୍ତ୍ର ଉପରେ ପରଦା ପକାଇ ଅଭିଯୁକ୍ତ ଗୋପାଳକୁ ପାଗଳ କରିବାକୁ ଉଦ୍ୟମ କରାଯାଉଥିବା ଅଭିଯୋଗ ହୋଇଛି ।
ମୋସନ ଆକାରରେ ଆଲୋଚନା ହୋଇଥିଲେ ମଧ୍ୟ ନବ ହତ୍ୟାକାଣ୍ଡର ରହସ୍ୟ ଉପରୁ ପରଦା ହଟିନଥିବାରୁ ଅନ୍ୟାନ୍ୟ ଫୋରମରେ ପ୍ରସଙ୍ଗ ଉଠାଇବୁ ବୋଲି କହିଛନ୍ତି ବିରୋଧୀ ଦଳ ନେତା ଜୟନାରାୟଣ ମିଶ୍ର। ଅନ୍ୟପଟେ ରାଜ୍ୟରେ ବିଗୁଡୁଥିବା ଆଇନଶୃଙ୍ଖଳା ପରିସ୍ଥିତି ପ୍ରସଙ୍ଗ ଉଠାଇ ସରକାରଙ୍କୁ ଘେରିବାକୁ ଯୋଜନା କରୁଛନ୍ତି ବିରୋଧୀ ।
