ସତ୍ୟଶିଖା ( ଭୁବନେଶ୍ୱର ) ୧୬ .୦୮.୨୦୨୦ : ଓଡ଼ିଆ ଫିଲ୍ମ ଇଣ୍ଡଷ୍ଟ୍ରିର ବିଶିଷ୍ଟ ଫିଲ୍ମ ଏଡିଟର ଦେବେନ ମିଶ୍ରଙ୍କ ହୃଦ୍ଘାତରେ ପରଲୋକ ହୋଇଛି । ମୃତ୍ୟୁ ବେଳକୁ ତାଙ୍କୁ ୬୨ ବର୍ଷ ହୋଇଥିଲା । ସେ ୮୦ରୁ ଅଧିକ ଓଡ଼ିଆ ଫିଲ୍ମର ଏଡିଟିଂ କରିଥିଲେ । ଗତକାଲି ବିଳମ୍ବିତ ରାତିରେ ଭୁବନେଶ୍ୱରର ଏକ ଘରୋଇ ହସ୍ପିଟାଲ୍ରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି । ତାଙ୍କ ମୃତ୍ୟୁରେ ଓଡ଼ିଆ ଫିଲ୍ମ ଇଣ୍ଡଷ୍ଟ୍ରିରେ ଶୋକର ଛାୟା ଖେଳି ଯାଇଛି ।
‘ପୁଅ ମୋର କଳା ଠାକୁର’ ତାଙ୍କର ପ୍ରଥମ ଏଡିଟିଂ ଫିଲ୍ମ ଥିଲା । ‘ଉଦଣ୍ଡୀ ସୀତା’, ‘ଭାଗ୍ୟ ହାତେ ଡୋରୀ’, ‘ଅଣ୍ଟିଛୁରୀ ତଣ୍ଟି କାଟେ’, ‘ଶ୍ରଦ୍ଧାଞ୍ଜଳି’, ‘ଯଶୋଦା’, ‘କଳାମାଣିକ’ ଓ ସାବିତ୍ରୀ ଭଳି ଅନେକ ଫିଲ୍ମର ସେ ଏଡିଟିଂ କରିଥିଲେ। ଫିଲ୍ମ ‘କାଶିଆ କପିଳା’ ଓ ‘ପରଦେଶୀ ଚଢେଇ’ ପାଇଁ ସେ ରାଜ୍ୟ ଚଳଚ୍ଚିତ୍ର ପୁରସ୍କାର ପାଇଥିଲେ । ଓଡ଼ିଆ ଫିଲ୍ମ ଇଣ୍ଡଷ୍ଟ୍ରି ହରାଇଲା ଏକ ମହାନ ଏଡିଟରଙ୍କୁ । ସୂଚନାନୁସାରେ, ଏବେ କିଛି ଦିନ ତଳେ ମହାନ କଳାକାର ବିଜୟ ମହାନ୍ତିଙ୍କ ପରଲୋକ ଘଟିଥିଲା ।
