ରାମ ମନ୍ଦିର ପାଇଁ ତାମିଲନାଡୁରୁ ଆସିଲା ୬୧୩ କେଜି ଓଜନର ଘଣ୍ଟି l

ସତ୍ୟଶିଖା (ନୂଆଦିଲ୍ଲୀ) ୦୭.୧୦.୨୦୨୦ : ଅଯୋଧ୍ୟା ଭୂମିପୂଜା ପରେ ପରେ ଆରମ୍ଭ ହୋଇଯାଇଛି ରାମ ମନ୍ଦିର ନିର୍ମାଣ କାର୍ଯ୍ୟ । ଏବେ ସୁଦ୍ଧା ରାମ ଶ୍ରଦ୍ଧାଳୁ ରାମ ମନ୍ଦିର ନିର୍ମାଣ କାର୍ଯ୍ୟରେ କୋଟି କୋଟି ଟଙ୍କା ଭେଟି ଦେଇସାରିଲେଣି । ଆଜି ତାମିଲନାଡୁର ରାମେଶ୍ୱରମରୁ ୪ ହଜାର ୫୦୦ କିଲୋମିଟର ଦୂରରୁ ୬୧୩ କିଲୋ ଓଜନର ଘଣ୍ଟି ରାମମନ୍ଦିର ପାଇଁ ଆସିଛି । ଏହି ଘଣ୍ଟିର ବିଶେଷତ୍ୱ ହେଉଛି ଏହାର ଧ୍ୱନି ବହୁ ଦୂର ଅର୍ଥାତ ବହୁ କିଲୋମିଟର ପର୍ଯ୍ୟନ୍ତ ଶୁଭିବ । ଏହାକୁ ଭେଟି ଦେଇଛନ୍ତି ଲିଗଲ ରାଇଟ୍ କାଉନସିଲ ।ସେପ୍ଟେମ୍ବର ୧୭ରେ ରାମେଶ୍ୱରମରୁ ବାହାରିଥିବା ରାମ ରଥଯାତ୍ରା ୨୧ ଦିନରେ ୧୦ଟି ରାଜ୍ୟ ହୋଇ ଆଜି ପହଞ୍ଚିଛି । ଯାତ୍ରାରେ ସମୁଦାୟ ୧୮ ଜଣ ଲୋକ ସାମିଲ ଥିଲେ । ଶ୍ରୀରାମଜନ୍ମଭୂମି ତୀର୍ଥକ୍ଷେତ୍ରରେ ପୂଜା ପରେ ତାମିଲନାଡୁର ମହିଳା ରାଜଲକ୍ଷ୍ମୀ ମାଣ୍ଡା ରାମ ମନ୍ଦିର ଟ୍ରଷ୍ଟକୁ ଘଣ୍ଟି ଭେଟି ଦେଇଛନ୍ତି । ଏହି ଅବସରରେ ସାଂସଦ, ନଗର ବିଧାୟକ ଓ ଶ୍ରୀରାମଜନ୍ମ ଭୂମି ତୀର୍ଥ କ୍ଷେତ୍ର ଟ୍ରଷ୍ଟର ମହାସଚିବ ଚମ୍ପତ ରାୟ ସମେତ ଅନେକ ଲୋକ ଉପସ୍ଥିତ ଥିଲେ ।