ସତ୍ୟଶିଖା( ସମ୍ବଲପୁର ) ୨୬.୦୭.୨୦୨୧:ଆଜି ପୁଣି ହୀରାକୁଦ ଡ୍ୟାମର ୪ଟି ଗେଟ ଖୋଲିଛି । ଏହା ସହ ବର୍ତ୍ତମାନ ମୋଟ ୮ଟି ଗେଟ ଦେଇ ଜଳ ନିଷ୍କାସନ ହେଉଛି। ଗତ ୧୧ ତାରିଖରେ ହୀରାକୁଦ ଡ୍ୟାମର ୨ ଟି ଗେଟ ଖୋଲାଯାଇ ପ୍ରଥମ ବନ୍ୟାଜଳ ନିଷ୍କାସନ କରାଯାଇଥିବା ବେଳେ ୧୭ ତାରିଖରେ ଉପର ମୁଣ୍ଡରେ ବର୍ଷା କମ ହେବାରୁ ୨ ଟି ଯାକ ଗେଟ ବନ୍ଦ କରାଯାଇଥିଲା। ତେବେ ଗତ ୨୪ ତାରିଖରେ ପୁଣି ୪ ଟି ଗେଟ ଖୋଲା ଯାଇଥିଲା। ଆଜି ପୁଣି ଅଧିକ ୪ଟି ଗେଟ ଖୋଲା ଯାଇଛି। ବର୍ତ୍ତମାନ ହୀରାକୁଦର ଜଳସ୍ତର ୬୦୯.୭୯ ଫୁଟ ରହିଛି। ଖୋଲାଯାଇଥିବା 8ଟି ଗେଟରୁ ଏବେ ଜଳ ନିଷ୍କାସିତ ହେଉଛି । ଏହି ସମୟ ମଧ୍ୟରେ ଉପର ମୁଣ୍ଡରୁ ଜଳଭଣ୍ଡାରକୁ ସେକେଣ୍ଡ ପ୍ରତି ୧,୮୪,୮୯୯ କ୍ୟୁସେକ ଜଳ ପ୍ରବେଶ କରୁଥିବା ବେଳେ ଜଳ ଭଣ୍ଡାରରୁ ସେକେଣ୍ଡ ପ୍ରତି ୧୧,୩୨,୦୮ କ୍ୟୁସେକ ଜଳ ନିଷ୍କାସନ ହେଉଛି।
