ସତ୍ୟଶିଖା ୨୭.୦୭.୨୦୨୦( ଭୁବନେଶ୍ୱର ) : ଆସନ୍ତା ଅଗଷ୍ଟ ମାସର ତୃତୀୟ ସପ୍ତାହ ମଧ୍ୟରେ +୨ ପରୀକ୍ଷା ଫଳ ପ୍ରକାଶ ପାଇବ । +୨ ବିଜ୍ଞାନ ଓ ବାଣିଜ୍ୟ ପରୀକ୍ଷା ଫଳ ତୃତୀୟ ସପ୍ତାହ ମଧ୍ୟରେ ପ୍ରକାଶ ପାଇବ । ସେହିପରି ଅଗଷ୍ଟ ମାସ ଶେଷ ସୁଦ୍ଧା +୨କଳା ପରୀକ୍ଷା ଫଳ ପ୍ରକାଶ ପାଇବ । ଏନେଇ ସୂଚନା ଦେଇଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ । ସୋମବାର ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏହା କହିଛନ୍ତି ଶ୍ରୀଯୁକ୍ତ ଦାସ । କରୋନାକୁ ନେଇ ଚଳିତ ବର୍ଷ ରେଜଲ୍ଟ ପ୍ରକାଶ ପାଇବାରେ ବିଳମ୍ୱ ହୋଇଛି । ବର୍ତ୍ତମାନ ଚାଲିଥିବା ଲକଡାଉନ ଓ ସଟଡାଉନ ଉପରେ ଖାତା ଦେଖା ନିର୍ଭର କରୁଛି । ଏଯାଏଁ ଯେହେତୁ ଖାତା ଦେଖା ସରିନି, ତେଣୁ ଫଳ ବାହାରିବା ନେଇ ନିର୍ଦ୍ଧିଷ୍ଟ ତାରିଖ କହି ହେଉନି ।
