ସତ୍ୟଶିଖା (ମୁମ୍ବାଇ) ୨୩/୧୦/୨୦୨୦ : ମୁମ୍ବାଇ ନାଗପାଡା ସ୍ଥିତ ସିଟି ସେଣ୍ଟର ମଲ୍ ରେ ଅଗ୍ନିକାଣ୍ଡ ହୋଇଛି । ଗୁରୁବାର ରାତି ୯ଟାରେ ହଠାତ୍ ଅଗ୍ନିକାଣ୍ଡ ଘଟିଥିଲା । ଅଗ୍ନିକାଣ୍ଡ ସମୟରେ ପ୍ରାୟ ୨୫୦ରୁ ୩୦୦ ଲୋକ ଉପସ୍ଥିତ ଥିଲେ । ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ଅଗ୍ନିକାଣ୍ଡରେ କୌଣସି ଲୋକ ମୃତାହତ ହୋଇନଥିଲା ଜଣାପଡିଛି ।
ଅଗ୍ନିଶମ ଅଧିକାରୀଙ୍କ ସୂଚନା ଅନୁସାରେ ମଲ୍ ର ଦ୍ବିତୀୟ ମହଲାରେ ଥିବା ଏକ ମୋବାଇଲ ଦୋକାନରେ ଅଗ୍ନିକାଣ୍ଡ ହୋଇଥିଲା । ସର୍ଟ ସର୍କିଟ୍ ରୁ ଦୋକାନରେ ଅଗ୍ନିକାଣ୍ଡ ହୋଇଥିଲା ବୋଲି ଜଣାପଡିଛି । ମଲ୍ ରେ ଭେଣ୍ଟିଲେସନର ସୁ-ବ୍ୟବସ୍ଥା ନଥିବାକୁ ମଲ୍ ସାରା ଧୂଆଁମୟ ହୋଇଯାଇଥିଲା । ଫଳରେ ଅଗ୍ନିଶମ କର୍ମଚାରୀଙ୍କୁ ନିଆଁ ଆୟତ୍ତ କରିବାରେ ବହୁ ଅସୁବିଧାର ସମ୍ମୁଖୀନ ହେବାକୁ ପଡିଥିଲା । ଅଗ୍ନିଶମ କର୍ମଚାରୀ ମଲ୍ ର କାଚ ଭଙ୍ଗାଯାଇଥିଲା । ଫଳରେ ଧୂଆଁ ବାହାରକୁ ବାହାରି ଯାଇଥିଲା ।
