ସତ୍ୟଶିଖା( ଭୁବନେଶ୍ୱର )୦୨.୦୫.୨୦୨୨ : ଦିନକୁ ଦିନ ବୃଦ୍ଧି ପାଉଛି ତାତି । ରାଜ୍ୟବାସୀଙ୍କ ଗ୍ରୀଷ୍ମର ପ୍ରକୋପରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ପ୍ରାୟ ସହରର ପାରଦ ଉପରମୁହାଁ ହୋଇ ରହିଛି।କାଳ ବୈଶାଖୀ ପ୍ରଭାବରେ ବିଭିନ୍ନ ଜିଲ୍ଲାରେ ଘଡଘଡି ବିଜୁଳି ସହ ବର୍ଷା ହେବ ବୋଲି ସତର୍କ କରାଇଛି ପାଣିପାଗ କେନ୍ଦ୍ର । ତେବେ ପଶ୍ଚିମ ଓଡିଶାରେ ଗ୍ରୀଷ୍ମର ଦାଉ ଅସହ୍ୟ ହୋଇପଡିଛି।
ସୂଚନାନୁଯାୟୀ , ରବିବାର ୪୦ ଡିଗ୍ରୀ ଉପରେ ୧୫ଟି ସହର ରହିଛି। ୪୪.୯ ବଲାଙ୍ଗୀର ସବୁଠାରୁ ଉତ୍ତପ୍ତ ସହରରେ ପରିଣତ ହୋଇଛି। ସେହିପରି ସୁନ୍ଦରଗଡ ୪୪.୪ ଡିଗ୍ରୀ, ଟିଟିଲାଗଡ ୪୩.୫ ଡିଗ୍ରୀ, ଭବାନୀପାଟଣା ୪୩ ଡିଗ୍ରୀ , ସୋନପୁର ୪୩ ଡିଗ୍ରୀ, ସମ୍ବଲପୁର ୪୨.୮ ଡିଗ୍ରୀ, ଝାରସୁଗୁଡା ୪୧.୬ ଡିଗ୍ରୀ, ପାରଳାଖେମୁଣ୍ଡି ୪୧.୫ ଡିଗ୍ରୀ, ଫୁଲବାଣୀ ୪୦ ଡିଗ୍ରୀ, ତାଳଚେର ୪୦ ଡିଗ୍ରୀ ତାପମାତ୍ରା ରହିଛି।
