୨୭ରୁ ବଢିବ ତାପମାତ୍ରା, ଆଜି କେତେକ ସ୍ଥାନରେ ବର୍ଷା ସମ୍ଭାବନା

ସତ୍ୟଶିଖା (ଭୁବନେଶ୍ୱର) ୨୬.୦୩.୨୦୨୨: ତାତିରେ ଜଳୁଛି ସାରା ଓଡିଶା । ଆଭୟନ୍ତରୀଣ ଓଡିଶାରେ ସ୍ୱାଭାବିକ ଠାରୁ ୨ ରୁ ୩ ଡିଗ୍ରୀ ସେଲସିୟସ ତାତି ରହିଛି । ଆସନ୍ତା ୪ରୁ ୫ ଦିନ ପର୍ଯ୍ୟନ୍ତ ରାଜ୍ୟରେ ଏଭଳି ପାଗ ଜାରି ରହିବ । ଆଭ୍ୟନ୍ତରୀଣ ଓଡିଶାରେ ତାତି ଆହୁରି ବଢିବ । ଏନେଇ ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି ।

ରାଜ୍ୟର ୭ଟି ସହରର ତାପମାତ୍ରା ୩୯ ଡିଗ୍ରୀ ସେଲସିୟସ ଉପରେ ଥିଲା । ୪୧ ଡିଗ୍ର ସେଲସିୟସ ସହ ବୌଦ୍ଧ ରାଜ୍ୟର ସର୍ବାଧିକ ଉତ୍ତପ୍ତ ସହର ପାଲଟିଥିଲା । ବଲାଙ୍ଗିରରେ ତାପମାତ୍ରା ୪୦.୫, ଟିଟଲାଗଡରେ ୪୦, ଭବାନୀପାଟଣା ଓ ସୋନପୁରରେ ୩୯.୫, ଫୁଲବାଣୀରେ ୩୯.୧ ଏବଂ ତାଳଚେରରେ ସର୍ବୋଚ୍ଚ ତାପମାତ୍ରା ୩୯ ଡିଗ୍ରୀ ସେଲସିୟସ ରହିଥିଲା ।

ସେହିପରି ଆଜି ପାଗ ଶୁଖିଲା ରହିବ । ଖରା ରହିବା ସହିତ ଉପକୂଳରେ ବି ଧୀରେ ଧୀପେ ତାତି ବଢିବ । ୨୮ ତାରିଖରୁ ଉଭୟ ଆଭ୍ୟନ୍ତରୀଣ ଓ ଉପକୂଳରେ ତାତି ବଢିବ । ବର୍ଷା ହେବାର ସମ୍ଭାବନା ରହିଛି । ତେବେ ଗୋଟିଏ କିମ୍ବା ଦୁଇଟି ସ୍ଥାନରେ ବର୍ଷା ହୋଇପାରେ ବୋଲି ସୋଆ ଓ ଜଳବାୟୁ ନିର୍ଦ୍ଦେଶକ ଡ. ଶରତ ଚନ୍ଦ୍ର ସାହୁ ପୂର୍ବାନୁମାନ କରିଛନ୍ତି ।