ସତ୍ୟଶିଖା ୨୧/୦୭/୨୦୨୫: ଦୁଇ ଶିକ୍ଷକ ଦୀର୍ଘ ଦିନ ଧରି ଛାତ୍ରୀଙ୍କୁ ଶ୍ରେଣୀରେ ଅସଦାଚରଣ କରିବା ସହ ତାଙ୍କୁ ନିଜ ରୁମ୍କୁ ଡାକିବା ସହ ବିଭିନ୍ନ ଧମକ ଚମକ ଦେଉଥିଲେ । ଶେଷରେ ଛାତ୍ରୀଙ୍କ ମାଆ ରାଇବଣିଆ ପୋଲିସରେ ଅଭିଯୋଗ କରିଥିଲେ । ଅଭିଯୋଗ ପରେ ରାଇବଣିଆ ପୋଲିସ ରବିବାର ବିଳମ୍ବିତ ରାତିରେ ଦୁଇ ଜଣ ଶିକ୍ଷକଙ୍କୁ ଗିରଫ କରିଛି । ଗିରଫ ଅଭିଯୁକ୍ତମାନେ ହେଲେ ଚରମାରଗାଁ ପୃଥୁନାଥ ସରକାରୀ ଉଚ୍ଚ ବିଦ୍ୟାଳୟର ସହକାରୀ ଶିକ୍ଷକ କୈଳାଶ ଚନ୍ଦ୍ର ବେଜ୍ ଓ ପ୍ରଧାନ ଶିକ୍ଷକ ଭବାନୀ ଶଙ୍କର ପାଳ ବୋଲି ଜଣାପଡିଛି ।
