ତାତିଲା ବିଜେଡି, ପାଇକ ବିଦ୍ରୋହକୁ ନେଇ ଗାନ୍ଧି ମୂର୍ତ୍ତି ତଳେ ଦେଲେ ଧାରଣା

ସତ୍ୟଶିଖା(ଭୁବନେଶ୍ୱର) ୦୬ .୧୨.୨୦୨୧: ଆଜି ବିଧାନସଭାର ୫ମ ଦିନରେ ବିଜେଡି ସ୍ୱାଧୀନତା ସଂଗ୍ରାମ ପ୍ରସଙ୍ଗ ଉଠାଇଛି ।  ଜୟୀ ରାଜଗୁରୁଙ୍କ ମୁଖା ପିନ୍ଧି ଏନେଇ ବିଜେଡି ସଦସ୍ୟ ପ୍ରତିବାଦ କରିଛନ୍ତି ।  ପାଇକ ବିଦ୍ରୋହକୁ ପ୍ରଥମ ସ୍ୱାଧୀନତା ସଂଗ୍ରମାର ମାନ୍ୟତା ଦେବାକୁ ବିଜେଡି ସଦସ୍ୟମାନେ ଦାବି କରିଛନ୍ତି ।  ଓଡ଼ିଆ ଅସ୍ମିତାକୁ କେନ୍ଦ୍ର ସରକାର କୁଠାରଘାତ କରିଥିବା ବିଜେଡି କହିଛି ।  ଏହାର ପ୍ରତିବାଦରେ ବିଧାନସଭାର ଗାନ୍ଧି ମୂର୍ତ୍ତି ତଳେ ବିଜେଡି ସଦସ୍ୟମାନେ ଧାରଣା ଦେଇଥିବା ଜଣାଯାଇଛି ।

୧୮୧୭ ମସିହାର ପାଇକ ବିଦ୍ରୋହ  ଜୟୀ ରାଜଗୁରୁଙ୍କ ନେତୃତ୍ୱରେ ଇଂରେଜ ସରକରାଙ୍କ ବିରୋଧରେ ଦେଶରେ ପ୍ରଥମ ସଂଗ୍ରାମ । ଏହା ପୂର୍ବରୁ ଦେଶରେ ଅନ୍ୟ କୌଣସି ବିପ୍ଲବ ବା ସଂଗ୍ରାମ ହୋଇନାହିଁ  । ଅତୀତରେ ଅନେକ କେନ୍ଦ୍ରୀୟ ନେତୃତ୍ୱ ଓଡ଼ିଶା ଗସ୍ତ କରି ପାଇକ ବିଦ୍ରୋହ ବିଷୟରେ ଯଥେଷ୍ଟ ଅବଗତ ରହିଛନ୍ତି  । ସବୁସ୍ୱତେ ମଧ୍ୟ କେନ୍ଦ୍ର ସଂସ୍କୃତି ମନ୍ତ୍ରୀ ସଂସଦରେ ଯେଉଁ ବକ୍ତବ୍ୟ ପ୍ରଦାନ କରିଛନ୍ତି ତାହା ସମଗ୍ର ଓଡ଼ିଶା ପ୍ରତି ଅପମାନ ବୋଲି କହିଛନ୍ତି ବିଜେଡ଼ି ବିଧାୟକ  ।

ତେବେ ପାଇକ ବିଦ୍ରୋହକୁ ଯଥାଶୀଘ୍ର ପ୍ରଥମ ସ୍ୱାଧିନତା ସଂଗ୍ରାମର ମାନ୍ୟତା କେନ୍ଦ୍ର ଦେଉ  । ଏନେଇ ବିଧାନସଭାରେ ପ୍ରତିବାଦ କରିଛନ୍ତି ଶାସକ ଦଳର ସଦସ୍ୟ  ।  ପାଇକ ବିଦ୍ରୋହକୁ ଦେଶର ପ୍ରଥମ ସ୍ବାଧିନତା ସଂଗ୍ରାମ ନୁହେଁ ବୋଲି ସଂସଦରେ କେନ୍ଦ୍ରମନ୍ତ୍ରୀ ଉଲ୍ଲେଖ କରିଥିଲେ  । ଯାହା ବିରୋଧରେ ଆଜି ବିଧାନସଭାରେ ବିଜୁ ଜନତା ଦଳର ବିଧାୟକ ମାନେ ପ୍ଲା କାର୍ଡ ଓ ଜୟୀ ରାଜଗୁରୁଙ୍କ ମୁଖା ପିନ୍ଧି ପ୍ରତିବାଦ ଜଣାଇଥିଲେ  ।

ଅନ୍ୟପକ୍ଷରେ  ଗୃହରେ ଅଚଳାବସ୍ଥା ଜାରି ରହିଛି । ସୁରୁଖୁରୁରେ ଗୃହ କାର୍ଯ୍ୟ ଚାଲିପାରୁନାହିଁ ।  ଯେତେ କହିଲେ ବି ବିରୋଧୀ ବୁଝିବାକୁ ନାରାଜ । ଗୃହରାଷ୍ଟ୍ରମନ୍ତ୍ରୀ ଦିବ୍ୟଶଙ୍କରଙ୍କ ବହିଷ୍କାର ପାଇଁ ଅଡ଼ିବସିଛନ୍ତି ବିରୋଧୀ ।  ଯେତେ ପର୍ଯ୍ୟନ୍ତ ଏହି ଦାବି ପୂରଣ ହେବ ନାହିଁ ସେତେ ପର୍ଯ୍ୟନ୍ତ ଗୃହ କାର୍ଯ୍ୟ ନଚଲାଇ ଦେବାକୁ ସତେ ଯେମିତି ବିରୋଧୀ ଅଡ଼ିବସିଛନ୍ତି ।

ଆଜି ବିଧାନସଭା ଶୀତକାଳୀନ ଅଧିବେଶନର ପଞ୍ଚମ ଦିନ । ଆଜି ବି ଗୃହରେ ସମାନ ସ୍ଥିତି ଦେଖିବାକୁ ମିଳିଛି । ଗୃହ ଆରମ୍ଭରୁ ବିଜେପି ଓ କଂଗ୍ରେସ କର୍ମୀମାନେ ମମିତା ମେହେର ପ୍ରସଙ୍ଗକୁ ନେଇ ହୋହାଲ୍ଲା କରିଥିଲେ ।  ଗୃହ ଆରମ୍ଭରୁ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ବହିଷ୍କାର ଦାବିରେ ବାଚସ୍ପତିଙ୍କ ପୋଡିୟମ ନିକଟକୁ ଯାଇ ବରୋଧୀ ହଟ୍ଟଗୋଳ କରିବା ସହ ନାରାବାଜି କରିଥିଲେ ।  ବାଚସ୍ପତି ସୂର୍ଯ୍ୟନାରାୟଣ ପାତ୍ର ବାରମ୍ବାର କହିବା ସତ୍ତ୍ୱେ ବିରୋଧୀମାନେ ଚୁପ୍ ହୋଇନଥିଲେ । ଏଥିପାଥଇଁ ବାଚସ୍ପତି ଆଜି ଅପରାହ୍ନ ୪ଟା ପର୍ଯ୍ୟନ୍ତ ଗୃହକୁ ମୁଲତବି ଘୋଷଣା କରିଛନ୍ତି ।