ନୂଆ ରୂପରେ ଫେରିବ ଟାଟା ସଫାରି

ସତ୍ୟଶିଖା (ନୂଆଦିଲ୍ଲୀ) ୦୭/୦୧/୨୦୨୧ : ଦେଶବାସୀଙ୍କୁ ଏସ୍‌ୟୁଭି ଗାଡ଼ିର ଅନୁଭୂତି ଏବଂ ଆନନ୍ଦ ଦେଇଥିବା ପ୍ରଥମ ଗାଡ଼ି ଥିଲା ଟାଟା ସଫାରି । ଏହା ଗ୍ରାହକଙ୍କ ଦ୍ୱାରା ବିଶେଷ ଭାବେ ଆଦୃତ ଓ ଗ୍ରହଣୀୟ ଥିଲା । କିଛି ବର୍ଷ ସଡ଼କରେ ରାଜୁତି କରିବା ପରେ ଏହା ଏକ ପ୍ରକାର ଉଭାନ ‌ହୋଇଯାଇଥିଲା । ସଫାରିକୁ ନୂଆ ରୂପରେ ଫେରାଇ ଆଣିବା ପାଇଁ ଟାଟା ମୋଟର୍ସ ପ୍ରୟାସ କରୁଛି । ଏହାକୁ ଅଧିକ ଆକର୍ଷଣୀୟ ଏବଂ ଗ୍ଲାମରସ୍‌ କରାଯାଇଛି । ବର୍ତ୍ତମାନ ଏହାର କୋଡ୍‌ ନାମ ଗ୍ରାଭିଟାସ୍‌ ରହିଛି । ଦୀର୍ଘ ୨୦ ବର୍ଷରୁ ଅଧିକ ସମୟ ଧରି ଟାଟା ସଫାରି ଥିବା ସମ୍ମାନ ଓ ପ୍ରଦର୍ଶନର ପ୍ରତୀକ ।ନିଜର ସେହି ସମୃଦ୍ଧ ପରମ୍ପରାକୁ ନୂଆ ରୂପରେ ଆଗକୁ ବଢ଼ାଇବ ସଫାରି । ସ୍ଵତନ୍ତ୍ର ଅନୁଭୂତି ଓ ରୋମାଞ୍ଚକୁ ପସନ୍ଦ କରୁଥିବା ଗ୍ରାହକମାନଙ୍କୁ ନୂଆ ସଫାରି ବହୁତ ଭଲ ଲାଗିବ ବୋଲି ଟାଟା ମୋଟର୍ସର ସଭାପତି (ଯାତ୍ରୀବାହୀ ଯାନ ବ୍ୟବସାୟ ୟୁନିଟ୍‌) ଶୈଳେନ୍ଦ୍ର ଚନ୍ଦ୍ର କହିଛନ୍ତି । ଏକ ଏସ୍‌ୟୁଭିରେ ଡିଜାଇନ୍, ବିବିଧତା, ଆରାମ ଓ ଆଧୁନିକ ଛାପ ଖୋଜୁଥିବା ଗ୍ରାହକଙ୍କ ଆବଶ୍ୟକତାକୁ ନୂଆ ସଫାରି ପୂରଣ କରିବ । ଲ୍ୟାଣ୍ଡ୍‌ରୋଭର୍‌ର ଡି ପ୍ଲାଟଫର୍ମ ଉପରେ ଏହା ପର୍ଯ୍ୟବେସିତ। ଏଥିରେ ଅଲ୍ ହ୍ବିଲ୍‌ (ସବୁ ଚକ) ଡ୍ରାଇଭ୍‌ ବ୍ୟବସ୍ଥା ବ୍ୟବହାର କରାଯାଇଛି ।