ସତ୍ୟଶିଖା (ଭୁବନେଶ୍ୱର ) ୨୫.୧୦.୨୦୨୩ : ଅନୁଗୋଳ ଜିଲ୍ଲା କିଶୋରନଗର ବ୍ଲକ ହଣ୍ଡପା ଥାନା ନାକଚି ରାଣୀଭୂଇଁ ନିକଟରେ ଟ୍ରକ ଓ ଟ୍ରେଲର ଧକ୍କା ହୋଇଛି I ମିଳିଥିବା ସୂଚନା ଅନୁସାରେ ଆଜି ସକାଳ 6.30 ମିନିଟ ସମୟରେ ଅନୁଗୋଳ-ସମ୍ବଲପୁର ଜାତୀୟ ରାଜପଥ ନାକଚି ରାଣୀଭୂଇଁ ନିକଟରେ ଟ୍ରକ ଓ ଟ୍ରେଲର ମଧ୍ୟରେ ଭୟଙ୍କର ଦୁର୍ଘଟଣା ଘଟିଥିଲା।
ଘଟଣା ସ୍ଥଳରେ ଟ୍ରକ ଡ୍ରାଇଭରଙ୍କ ମୃତ୍ୟୁ ହୋଇଥିବା ସୂଚନା ମିଳିଛି I ତେବେ ଟ୍ରକ ଡ୍ରାଇଭର ଜଣଙ୍କ ଘର ଛେଣ୍ଡିପଦା ବ୍ଲକ ଦୁର୍ଗାପୁର ଗ୍ରାମର ସୁରେଶ ପରିଡା ବୋଲି ଜଣାପଡିଛି I ଘଟଣା ସ୍ଥଳରେ ହଣ୍ଡପା ପୋଲିସ ପହଞ୍ଚି ତଦନ୍ତ କରୁଥିବାର ସୂଚନା ରହିଛି।
