୫ ରାଜ୍ୟରେ ଆଜି ଭୋଟ ଗଣତି

ସତ୍ୟଶିଖା( ନୂଆଦିଲ୍ଲୀ )୧୦.୦୩.୨୦୨୨ : ପାଞ୍ଚ ରାଜ୍ୟର ବିଧାନସଭା ଆସନ ନିମନ୍ତେ ଆଜି ଆରମ୍ଭ ହୋଇଛି ଭୋଟ ଗଣତି । ଭୋଟ ପରୀକ୍ଷା ସରିଥିବା ବେଳେ ଆଜି ଜଣାପଡ଼ିବ ଜନତା ଜନାର୍ଦ୍ଦନଙ୍କ ନିଷ୍ପତ୍ତି। କାହା ମୁଣ୍ଡରେ ହାତୀ ସୁନାକଳସ ଢାଳିବ ତାହା ଉପରେ ସମସ୍ତଙ୍କ ନଜର। ଉତ୍ତରପ୍ରଦେଶ, ଉତ୍ତରାଖଣ୍ଡ, ପଞ୍ଜାବ, ଗୋଆ ଓ ମଣିପୁରରେ ଆଜି ହେବ ଭୋଟ୍ ଗଣତି ।

ସକାଳ ୮ଟାରୁ ଉତ୍ତରପ୍ରଦେଶର ୪୦୩, ଉତ୍ତରାଖଣ୍ଡର ୭୦, ପଞ୍ଜାବର ୧୧୭, ଗୋଆର ୪୦ ଓ ମଣିପୁରର ୬୦ଟି ଆସନ ପାଇଁ ଗଣତି ଆରମ୍ଭ ହୋଇଛି । ଉତ୍ତରପ୍ରଦେଶର ସମସ୍ତ ୭୪ଟି ଜିଲ୍ଲାରେ ଗଣତି କେନ୍ଦ୍ର କରାଯାଇଛି । ପ୍ରଥମେ ପୋଷ୍ଟାଲ ବାଲଟ ଓ ପରେ ଇଭିଏମ୍ ଭୋଟ୍ ଗଣତି ହେବ। ଫେବୃଆରୀ ୧୦ରୁ ଆରମ୍ଭ ହୋଇ ୭ଟି ପର୍ଯ୍ୟାୟରେ ଉତ୍ତରପ୍ରଦେଶରେ ନିର୍ବାଚନ ହୋଇଥିଲା ।