ଏୟାରପୋର୍ଟରୁ ଧରା ପଡ଼ିଲା ୧୬ କୋଟି ଟଙ୍କାର ସୁନା

ଜୟପୁର: ୟୁଏଇ ଓ ସାଉଦି ଆରବରୁ ଦୁଇଟି ଚାର୍ଟାର୍ଡ ବିମାନ ଯୋଗେ ଜୟପୁର ଆସିଥିବା ବ୍ୟକ୍ତିମାନଙ୍କ ପାଖରୁ ବିପୁଳ ପରିମାଣର ସୁନା ଜବତ କରାଯାଉଛି। ଜବତ ସୁନାର ଓଜନ ପ୍ରାୟ ୩୨ କେଜି ଓ ଏହାର ମୂଲ୍ୟ ୧୫.୬୭ କୋଟି ହେବ ବୋଲି ଅଧିକାରୀମାନେ କହିଛନ୍ତି।

ଜବତ ସୁନା ଗୁଡ଼ିକ ବିସ୍କୁଟ ଓ ବାରସ ଆକାରରେ ବ୍ୟାଗ ମଧ୍ୟରେ ରହିଥିଲା। କଷ୍ଟମ ଅଧିକାରୀମାନେ ଏହାକୁ ସାନଗାନେର ଏୟାରପୋର୍ଟରୁ ଜବତ କରିଛନ୍ତି। ସାଉଦ ଆରବର ରିୟାଦରୁ ଆସିଥିବା ୧୧ ଜଣ ବ୍ୟକ୍ତିଙ୍କ ପାଖରୁ ୨୨.୬୫ କେଜି ସୁନା ଜବତ ହୋଇଥିବା ବେଳେ ୟୁଏଇରୁ ଆସିଥିବା ୩ ଜଣ ବ୍ୟକ୍ତିଙ୍କ ପାଖରୁ ୯.୩ କେଜି ସୁନା ଠାବ ହୋଇଛି।

ମୋଟ ଜବତ ସୁନାର ମୂଲ୍ୟ ୧୫.୬୭ କୋଟି ଟଙ୍କା। ଏବେ ସଂପୃକ୍ତ ବ୍ୟକ୍ତିମାନଙ୍କୁ ପୁଲିସ୍‌ ଜେରା ଆରମ୍ଭ କରିଥିବା ଜଣାପଡ଼ିଛି।