ସତ୍ୟଶିଖା (ନୂଆଦିଲ୍ଲୀ) ୦୬/୦୨/୨୦୨୧ : ଫିକ୍ସ ଡିପୋଜିଟ୍ ଏକ ସୁରକ୍ଷିତ ନିବେଶ ବିକଳ୍ପ । ଏହା ସୁଧର ଗ୍ୟାରେଣ୍ଟି ଦେଇଥାଏ । ଫିକ୍ସ ଡିପୋଜିଟରେ ବରିଷ୍ଠ ନାଗରିକଙ୍କୁ ବିଶେଷ ସୁଧ ହାରର ସୁବିଧା ମିଳିଥାଏ । ଷ୍ଟେଟ ବ୍ୟାଙ୍କ, ଆଇସିଆଇସିଆଇ ବ୍ୟାଙ୍କ, ଏକ୍ସିସ ବ୍ୟାଙ୍କ, ଏଚଡିଏଫସି ସମେତ ଅନେକ ବ୍ୟାଙ୍କ ୭ ଦିନରୁ ୧୦ ବର୍ଷର ଜମା ଅବଧି ପାଇଁ ଫିକ୍ସ ଡିପୋଜିଟ ଉପରେ ୭ ରୁ ୭.୫ ପ୍ରତିଶତ ପର୍ଯ୍ୟନ୍ତ ସୁଧ ଦେଇଥାଏ ।
୭ ଦିନରୁ ୧୦ ବର୍ଷ ପର୍ଯ୍ୟନ୍ତ କାର୍ଯ୍ୟକାଳ ପାଇଁ ଶୀର୍ଷ ବ୍ୟାଙ୍କର ନୂଆ ସୁଧ ହାର କେତେ ଜାଣନ୍ତୁ
୧୦ଟି ଶୀର୍ଷ ବ୍ୟାଙ୍କରେ ଫିକ୍ସ ଡିପୋଜିଟରେ ସୁଧ ହାର (୨ କୋଟିରୁ କମ ଟଙ୍କା ଜମା ଉପରେ)
ଏସବିଆଇ – ୨.୯୦% ରୁ ୫.୪୦% ବରିଷ୍ଠ ନାଗରିକ ସୁଧ – ୩.୪୦% ରୁ ୬.୨୦%
ଆଇସିଆଇସିଆଇ – ୨.୫୦% ରୁ ୫.୫୦% ବରିଷ୍ଠ ନାଗରିକ ସୁଧ – ୩.୦୦% ରୁ ୬.୩୦%
ଏଚଡିଏଫସି – ୨.୫୦% ରୁ ୫.୫୦% ବରିଷ୍ଠ ନାଗରିକ ସୁଧ – ୩.୦୦% ରୁ ୬.୨୫%
ପିଏନବି – ୩.୦୦% ରୁ ୫.୩୦% ବରିଷ୍ଠ ନାଗରିକ ସୁଧ – ୩.୭୫% ରୁ ୫.୮୦%
କାନାଡ଼ା ବ୍ୟାଙ୍କ – ୨.୯୫% ରୁ ୫.୫୦% ବରିଷ୍ଠ ନାଗରିକ ସୁଧ – ୨.୯୫% ରୁ ୬.୦୦%
ଏକ୍ସିସ ବ୍ୟାଙ୍କ – ୨.୫୦% ରୁ ୫.୫୦% ବରିଷ୍ଠ ନାଗରିକ ସୁଧ – ୨.୫୦% ରୁ ୬.୦୦%
ବ୍ୟାଙ୍କ ଅଫ ବରୋଦା – ୨.୯୦% ରୁ ୫.୩୦% ବରିଷ୍ଠ ନାଗରିକ ସୁଧ – ୩.୪୦% ରୁ ୬.୩୦%
ଆଇଡିଏଫସି ବ୍ୟାଙ୍କ – ୨.୭୫% ରୁ ୫.୭୫% ବରିଷ୍ଠ ନାଗରିକ ସୁଧ – ୩.୨୫% ରୁ ୬.୨୫%
ବ୍ୟାଙ୍କ ଅଫ ଇଣ୍ଡିଆ – ୩.୨୫% ରୁ ୫.୩୦% ବରିଷ୍ଠ ନାଗରିକ – ୩.୭୫% ରୁ ୫.୮୦%
କର୍ପୋରେସନ ବ୍ୟାଙ୍କ – ୩.୦୦% ରୁ ୫.୪୦% ବରିଷ୍ଠ ନାଗରିକ – ୩.୫୦% ରୁ ୫.୯୦%
ଫିକ୍ସ ଡିପୋଜିଟ ଅବଧି – ଏଫଡ଼ିରେ ନିବେଶ କରିବା ପୂର୍ବରୁ ତାର ଅବଧି ଧାର୍ଯ୍ୟ କରିବା ମହତ୍ତ୍ୱପୂର୍ଣ୍ଣ । କାରଣ ଯଦି ନିବେଶକ ମାଚ୍ୟୁରିଟି ପୂର୍ବରୁ ରାଶି ବାହାର କରୁଛନ୍ତି କିମ୍ବା ଏଫଡ଼ି ଭାଙ୍ଗୁଛି ତାହେଲେ ତାଙ୍କୁ ଜରିମାନା ଦେବାକୁ ପଡିଥାଏ ।
ସୁଧ ହାର – ଏଫଡ଼ିରେ ନିବେଶ କରିବା ସମୟରେ ସେଥିରେ ମିଳିବାକୁଥିବା ସୁଧ ଦର ଯାଞ୍ଚ କରିବା ଆବଶ୍ୟକ । ବ୍ୟାଙ୍କ ନିଜ ହିସାବରେ ଭିନ୍ନ ଭିନ୍ନ ସୁଧ ହାର ଉପସ୍ଥାପନା କରିଥାଏ । ସେଥିପାଇଁ ପ୍ରତ୍ୟେକ ବ୍ୟାଙ୍କର ସୁଧ ଦରରେ ଅନ୍ତର ରହିଥାଏ । ଏଫଡ଼ିରେ ନିବେଶ କରିବା ପୂର୍ବରୁ ଅନ୍ୟ ବ୍ୟାଙ୍କ ସହ ତାର ତୁଳନା କରିନେବା ଉଚିତ ।
ଟ୍ୟାକ୍ସ ଛାଡ – ଏଫଡ଼ିରେ ସୁଧ ଉପରେ ମିଳୁଥିବା ଆୟ ଉପରେ ଟ୍ୟାକ୍ସ ଦେବାକୁ ପଡିଥାଏ । ଏଫଡ଼ିରୁ ଆୟ ହୋଇଥିବା ସୁଧ ଗୋଟିଏ ଆର୍ଥିକ ବର୍ଷରେ ୧୦ ହଜାର ଟଙ୍କାରୁ ଅଧିକ ହୁଏ ତାହେଲେ ସେହି ସୁଧ ଉପରେ ଟିଡ଼ିଏସ କଟିଥାଏ । ୫ ବର୍ଷ ଏଫଡ଼ି ଉପରେ ଧାରା ୮୦ସି ଅନୁସାରେ ୧.୫ ଲକ୍ଷ ଛାଡ ହୋଇଥାଏ ।
