ସତ୍ୟଶିଖା( ନୂଆଦିଲ୍ଲୀ )୧୨.୧୦୨୦୨୨: ଭାରତ ତରଫରୁ ଚଳିତ ବର୍ଷ ଓସ୍କାରରେ ପ୍ରବେଶ କରିଥିବା ଗୁଜୁରାଟୀ ଫିଲ୍ମ ‘ଛେଲୋ ଶୋ’ର ଶିଶୁ କଳାକାର ରାହୁଲ କୋଲୀଙ୍କର ନିଧନ ହୋଇଛି । ୧୫ ବର୍ଷୀୟ ରାହୁଲ କର୍କଟରେ ପୀଡ଼ିତ ଥିଲେ । ‘ଛେଲୋ ଶୋ’ ଫିଲ୍ମରେ ଦମଦାର ପ୍ରଦର୍ଶନ ଜରିଆରେ ସେ ଖୁବ କମ ବୟସରେ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ । ତାଙ୍କ ବାପା ଜଣେ ଅଟୋ ରିକ୍ସା ଚାଳକ । ଗତ ସୋମବାର ସେ ରାହୁଲଙ୍କ ଉଦେ୍ଧଶ୍ୟରେ ନିଜ ପୈତୃକ ଗାଁ ହାପାରେ ଏକ ପ୍ରାର୍ଥନା ସଭାର ଆୟୋଜନ କରିଥିଲେ ।
ଏ ଅବସରରେ ସେ କହିଥିଲେ- ରାହୁଲ ସବୁବେଳେ ମୋତେ କହୁଥିଲା, ଅକ୍ଟୋବର୧୪ ତାରିଖରେ ଫିଲ୍ମ ‘ଛେଲୋ ଶୋ’ର ରିଲିଜ ପରେ ଆମ ଜୀବନ ବଦଳିଯିବ । କିନ୍ତୁ ତା’ ପୂର୍ବରୁ ସେ ଦୁନିଆ ଛାଡ଼ି ଚାଲିଗଲା । ପାନ ନଳିନଙ୍କ ନିଦେ୍ର୍ଧଶିତ ‘ଛେଲୋ ଶୋ’ ଏକ ଆତ୍ମଜୀବନୀ ଉପରେ ଆଧାରିତ ଫିଲ୍ମ, ଯେଉଁଥିରେ ଜଣେ ୯ ବର୍ଷୀୟ ବାଳକର ଜୀବନ ପ୍ରଦର୍ଶିତ ହୋଇଛି । ନିଜ ଜୀବନର ପ୍ରଥମ ଫିଲ୍ମ ଥିଏଟରରେ ଦେଖିବା ପରେ ତା’ର ଜୀବନ ସମ୍ପୂର୍ଣ୍ଣ ବଦଳିଯାଇଛି । ଫିଲ୍ମଟି ଚଳିତ ବର୍ଷ ଓସ୍କାର ଦୌଡ଼ରେ ଶ୍ରେଷ୍ଠ ବିଦେଶୀ ଫିଲ୍ମ ବିଭାଗରେ ସାମିଲ ହୋଇଛି ।
