ନୂଆଦିଲ୍ଲୀ: ଦିଲ୍ଲୀର କ୍ୟାଣ୍ଟୋନମେଣ୍ଟ ଅଞ୍ଚଳରେ ଥିବା ଆର୍ମି ହସ୍ପିଟାଲରେ କରୋନା ଭାଇରସ ପ୍ରବେଶ କରିଛି। ଏଠାରେ ଭର୍ତ୍ତି ହୋଇଥିବା ୨୪ ଜଣ ବ୍ୟକ୍ତି କରୋନାରେ ଆକ୍ରାନ୍ତ ହୋଇଛନ୍ତି। ଏହି ଆକ୍ରାନ୍ତଙ୍କ ମଧ୍ୟରେ ଜଣେ କାର୍ଯ୍ୟରତ ଓ ଆଉ ଜଣେ ଅବସରପ୍ରାପ୍ତ ସେନା କର୍ମଚାରୀ ରହିଛନ୍ତି।
ଆହୁରି ପଢ଼ନ୍ତୁ
ଏମାନଙ୍କୁ ବେସ ହସ୍ପିଟାଲକୁ ସ୍ଥାନାନ୍ତର କରାଯାଇଛି। କରୋନାରେ ଆକ୍ରାନ୍ତ ହୋଇଥିବା ସମସ୍ତ ଲୋକ କ୍ୟାନସର ବିଭାଗରେ ରହିଥିଲେ। ତେବେ ଏମାନଙ୍କ ସଂସ୍ପର୍ଶରେ ଆସି କୌଣସି ସ୍ୱାସ୍ଥ୍ୟକର୍ମୀ ସଂକ୍ରମଣର ଶିକାର ହୋଇନାହାନ୍ତି।
ମାର୍ଚ୍ଚ ମାସରେ ପ୍ରଥମଥର ଜଣେ ଭାରତୀୟ ସେନାରେ କରୋନା ପ୍ରବେଶ କରିଥିଲା। ଏହାପରେ ଏକାଧିକ ଯବାନ ଓ ଅଧିକାରୀମାନେ ମହାମାରୀ କରୋନାରେ ଆକ୍ରାନ୍ତ ହୋଇ ଚାଲିଛନ୍ତି।
