କୁଟନା: ଓଡ଼ିଶା ଓ ପଶ୍ଚିମବଙ୍ଗ ସମେତ ବାଂଲାଦେଶରେ ବି ଅମ୍ଫାନ ଭୟଙ୍କର ରୂପ ଦେଖିବାକୁ ମିଳିଛି। ଅପରାହ୍ନ ୨.୩୦ରୁ ଅମ୍ଫାନ ପଶ୍ଚିମବଙ୍ଗରେ ତା’ର ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ କରିଥିଲେ ହେଁ ବାଂଲାଦେଶେ ଏଥିଯୋଗୁ ଜଣଙ୍କ ମୃତ୍ୟୁ ଘଟିଛି।
ଆହୁରି ପଢ଼ନ୍ତୁ
ଅମ୍ଫାନ ପ୍ରଭାବରେ ବାଂଲାଦେଶ ସୀମାରେ ମଧ୍ୟ ବର୍ଷା ହେଉଛି। ଏହି କାରଣରୁ ଜଳବନ୍ଦୀ ହୋଇ ରହିଥିବା ଲୋକଙ୍କୁ ଉଦ୍ଧାର କରୁଥିବା ଏକ ବୋଟ ଓଲଟି ପଡ଼ିଛି। ଫଳରେ ଉଦ୍ଧାର କାର୍ଯ୍ୟରେ ସାମିଲ ଥିବା ଜଣେ ରେଡକ୍ରସ କର୍ମଚାରୀ ପ୍ରାଣ ହରାଇଛନ୍ତି। ଅମ୍ଫାନ ଯୋଗୁ ବାଂଲାଦେଶରେ କାହାର ମୃତ୍ୟୁ ଘଟିବା ପ୍ରଥମ ଘଟଣା। ଏଥିରେ ୪ ଜଣ ଗୁରୁତର ଆହତ ହୋଇଛନ୍ତି। ବାଂଲାଦେଶର କୁଟନା ଅଞ୍ଚଳରେ ଏହି ଅଘଟଣ ଘଟିଛି।
