ସତ୍ୟଶିଖା ୧୮/୦୧/୨୦୨୧ :
ବ୍ୟକ୍ତିର ପରିଚୟ ତା ପୋଷାକ ଓ ଜୋତା, ଚପଲରୁ ଜଣାପଡିଥାଏ ବୋଲି କୁହାଯାଏ, ଏଥିରେ ବ୍ୟକ୍ତିର ବିଶେଷତ୍ୱ ରହିଛି ବୋଲି ମଧ୍ୟ ମାନ୍ୟତା ରହିଛି । ମାତ୍ର ଯେକେହି ଉତ୍ତମ ପୋଷାକ ପିନ୍ଧିଲେ ମଧ୍ୟ ଜୋତା ଭଲ ନଥିଲେ ତା’କୁ ଅଧିକ ଗୁରୁତ୍ୱ ମିଳିନଥାଏ । ଜ୍ୟୋତିଷ ଶାସ୍ତ୍ର ଅନୁଯାୟୀ ମନୁଷ୍ୟଙ୍କ ଭାଗ୍ୟ ଉପରେ ମଧ୍ୟ ଜୋତା ଚପଲ ପ୍ରଭାବ ପକାଇଥାଏ । ଜାଣନ୍ତୁ ଏହା ବିଷୟରେ….
– କେବେ ମଧ୍ୟ ଉପହାରରେ ମିଳିଥିବା ଜୋତା ପିନ୍ଧିବା ଉଚିତ ନୁହେଁ । ଏହାଦ୍ୱାରା ଶନିଦେବଙ୍କ କ୍ରୋଧ ସହ କାର୍ଯ୍ୟରେ ବାଧା ସୃଷ୍ଟି ହୋଇଥାଏ । କାହାରିକୁ ମଧ୍ୟ ଉପହାରରେ ଜୋତା ଦେବା ଉଚିତ ନୁହେଁ କିମ୍ବା ନେବା ମଧ୍ୟ ଉଚିତ ନୁହେଁ ।
– ଚୋରି କରିଥିବା ଜୋତା କେବେ ମଧ୍ୟ ପିନ୍ଧନ୍ତୁ ନାହିଁ । ଅନେକ ସମୟରେ ମନ୍ଦିର ଓ ଅନ୍ୟ ସ୍ଥାନରୁ ଜୋତା ଚୋରି ହୋଇଥାଏ । ଚୋରି ଜୋତା ପିନ୍ଧିବା ଦ୍ୱାରା ସ୍ଥାସ୍ଥ୍ୟ ଜନିତ ସମସ୍ୟା ସୃଷ୍ଟି ହେବା ସହ ଧନର ନାଶ ହୋଇଥାଏ ।
– ଫାଟିଥିବା ଅଥବା ଛିଣ୍ଡିଥିବା ଜୋତା ପିନ୍ଧି କର୍ମକ୍ଷେତ୍ରକୁ ଯାଆନ୍ତୁ ନାହିଁ । ଏହାଦ୍ୱାରା ଅସଫଳତା ମିଳିଥାଏ ।
– ମାଟିଆ ରଙ୍ଗର ଜୋତା ପିନ୍ଧି କର୍ମକ୍ଷେତ୍ରକୁ ଯିବା ଦ୍ୱାରା ବାଧା ସୃଷ୍ଟି ହୋଇଥାଏ ।
– ଚିକିତ୍ସା ଓ ଲୁହା ସହ ସମ୍ବନ୍ଧ ବ୍ୟକ୍ତିଙ୍କୁ ଧଳା ଜୋତା ପିନ୍ଧିବା ଉଚିତ ନୁହେଁ ।
– ଜଳ ଓ ଆୟୁର୍ବେଦ ସହ ସମ୍ବନ୍ଧିତ ବ୍ୟକ୍ତିଙ୍କୁ ନୀଳ ରଙ୍ଗର ଜୋତା ପିନ୍ଧିବା ଉଚିତ ନୁହେଁ ।
– କଫି ରଙ୍ଗ ଅଥବା ଗାଢମାଟିଆ ରଙ୍ଗର ଜୋତା ବ୍ୟାଙ୍କ କର୍ମଚାରୀ ଓ ଅଧ୍ୟୟନ ବ୍ୟକ୍ତିଙ୍କୁ ପିନ୍ଧିବା ଉଚିତ ନୁହେଁ । ସମସ୍ୟା ଲାଗି ରହିଥାଏ ।
– ଜୋତା,ଚପଲକୁ ସର୍ବଦା ସଫା ଓ ଚମକୁ ଥିବା ପିନ୍ଧିବା ଆବଶ୍ୟକ । ଏହା ଆପଣ ବ୍ୟକ୍ତିତ୍ୱ ଉପରେ ଉତ୍ତମ ପ୍ରଭାବ ପକାଇଥାଏ ।
– ଶୟନ କକ୍ଷରେ ଜୋତା ,ଚପଲ ଆଦୌ ରଖନ୍ତୁ ନାହିଁ । ଏହାର କୁପ୍ରଭାବ ଦମ୍ପତିଙ୍କ ଉପରେ ପଡିଥାଏ ।
– ଯେଉଁବ୍ୟକ୍ତିମାନେ ବାହାରୁ ଆସି ନିଜ ଜୋତା, ଚପଲ ଏଣେତେଣେ ପକାନ୍ତି, ତାଙ୍କର ଶତ୍ରୁ ସମସ୍ୟା ଲାଗି ରହିଥାଏ, କାର୍ଯ୍ୟରେ ସଫଳତା ମିଳିପାରି ନଥାଏ ।
– ଜୋତା ପିନ୍ଧି ଭୋଜନ କରିବା ଉଚିତ ନୁହେଁ । ଏହାଦ୍ୱାରା ନକରାତ୍ମକ ଶକ୍ତି ପ୍ରବେଶ କରିଥାଏ ।
– ଘରେ ଜୋତା ଚପଲକୁ ସ୍ୱତନ୍ତ୍ର ସ୍ଥାନରେ ରଖନ୍ତୁ । ଏଣେତେଣେ ପକାନ୍ତୁ ନାହିଁ । ଘରର ରୋଷଇ ଘରକୁ ଓ ଠାକୁର ଘରକୁ ଚପଲ ପିନ୍ଧି ଯାଆନ୍ତୁ ନାହିଁ ।
– ଖାଦ୍ୟ ପରଷିବା ସମୟରେ ଜୋତା ପିନ୍ଧନ୍ତୁ ନାହିଁ ।
– ଘରର ମୁଖ୍ୟ ଦ୍ୱାରା ସମ୍ମୁଖରେ ଜୋତା ଷ୍ଟାଣ୍ଡ ତିଆରି କରନ୍ତୁ ନାହିଁ ।
