ସତ୍ୟଶିଖା( କଟକ) ୧୭.୧୨.୨୦୨୧: : କ୍ରାଇମ କ୍ରିମିନାଲ ଟ୍ରାକିଂ ନେଟୱାର୍କିଂ ସିଷ୍ଟମ(ସିସିଟିଏନ୍ଏସ୍)ରେ ଜାତୀୟ ସ୍ତରରେ ଓଡିଶା ପୋଲିସ୍ ଖ୍ୟାତି ଅର୍ଜନ କରିଛି । ଏହି ବ୍ୟବସ୍ଥା କାର୍ଯ୍ୟକାରୀ କରିବା କ୍ଷେତ୍ରରେ ଓଡିଶା ପୋଲିସ୍ ଦେଶରେ ପ୍ରଥମ ସ୍ଥାନ ଅଧିକାର କରିଛି । ଏହା ରାଜ୍ୟ ପୋଲିସ୍ ବାହିନୀ ପାଇଁ ଖୁସି ଖବାର ବୋଲି ବରିଷ୍ଠ ଅଧିକାରୀ କହିଛନ୍ତି । ସିସିଟିଏନ୍ଏସ ବ୍ୟବହାରରେ ଓଡିଶା ପୋଲିସ୍ ତଳକୁ ଦ୍ୱିତୀୟ ସ୍ଥାନରେ ଛତିଶଗଡ ପୋଲିସ୍ ଓ ଉତ୍ତରପ୍ରଦେଶ ପୁଲିସ୍ ରହିଛି । ସେହପରି ତୃତୀୟ ସ୍ଥାନରେ ମଧ୍ୟପ୍ରଦେଶ ପୁଲିସ୍ ରହିଥିବା ସୂଚନା ମିଳିଛି । ଭାରତ ସରକାରଙ୍କ ିଣ୍ଟର-ଅପରବଲ୍ କ୍ରିମିନାଲ ଜଷ୍ଟିସ୍ ସିଷ୍ଟମ (ଆଇସିଜେଏସ୍) ପ୍ରୋଜେକ୍ଟ ଆଧାରରେ ସିସିଟିଏନ୍ଏସରେ ବିଭିନ୍ନ ଅପରାଧିକ ମାମଲାରେ ଅଭିଯୁକ୍ତ ତଥା ଅପରାଧୀମାନଙ୍କ ସଂପର୍କରେ ବିବରଣୀ ଉଲ୍ଲେଖ କରିବାରେ ଓଡିଶା ପୋଲିସ୍ ସ୍ୱଚ୍ଛତା ବଜାୟ ରଖିପାରିଛି । ପୁଲିସ୍ ପକ୍ଷରୁ ଏବେ ଥାନା ସ୍ତରରେ ସିସିଟିଏନ୍ଏସରେ ସମସ୍ତ ବିବରଣୀ ଉଲ୍ଲେଖ କରାଯାଉଥିବାବେଳେ ଆଗକୁ ଉକ୍ତ ବ୍ୟବସ୍ଥାରେ ଅପରାଧୀଙ୍କ ବାବଦରେ କୋର୍ଟ ସମ୍ପର୍କିତ ଡାଟା, ଜେଲରେ ଥିବା ବିଚାରଧୀନ ବନ୍ଦୀ ତଥା କଏଦୀଙ୍କ ଡାଟା ଏବଂ ଅପରାଧୀଙ୍କ ବିଚାର ସମ୍ପର୍କିତ ଡାଟା ମଧ୍ୟ ଯୋଡି ହେବ ବୋଲି ଷ୍ଟେଟ୍ କ୍ରାଇମ୍ ରେକର୍ଡ ବୁ୍ୟରୋର ଅତିରିକ୍ତ ଡିଜି ବିନୟତୋଷ ମିଶ୍ର କହିଛନ୍ତି । ସିସିଟିଏନ୍ଏସରେ ଓଡିଶା ପୁଲିସ୍ ଦେଶରେ ପ୍ରଥମ ହେବା ଘଟଣାକୁ ନେଇ ଡିଜି ଅଭୟ କୃତଜ୍ଞତା ଜଣରାଇଛନ୍ତି ।
