ସତ୍ୟଶିଖା (ମୁମ୍ବାଇ) ୨୭/୧୧/୨୦୨୦ : ଦିବଂଗତ ଅଭିନେତା ସୁଶାନ୍ତ ସିଂହ ରାଜପୁତଙ୍କ ହତ୍ୟା ମାମଲାକୁ ନେଇ ଦାଖଲ ହୋଇଥିବା ରିଭିଜନ୍ ପରେ ମୁଜାଫରପୁର ଏଡିଜେ ରାକେଶ ମାଳବୀୟଙ୍କ କୋର୍ଟରେ ଶୁଣାଣି ହୋଇଛି । ଏଥିରେ ଅଭିଯୁକ୍ତ ସଞ୍ଜୟ ଲୀଳା ଭନସାଲି ,ଏକତା କପୁର,ଭୂଷଣ କୁମାର ଏବଂ ସାଜିଦ ନାଦିଆଦଓ୍ବାଲାଙ୍କ ଓକିଲ କୋର୍ଟରେ ଉପସ୍ଥିତ ହୋଇଛନ୍ତି । ଭନସାଲିଙ୍କ ତରଫରୁ ଓକିଲ ସରୋଜ କୁମାର ଏବଂ ଶେଷ ୩ ଫିଲ୍ମକାରଙ୍କ ତରଫରୁ ପ୍ରିୟରଞ୍ଜନ ଓରଫ ଅନ୍ନୁ କୋର୍ଟରେ ଉପସ୍ଥିତ ହୋଇଛନ୍ତି ।
କୋର୍ଟ ଶେଷ ଯୁକ୍ତି ପାଇଁ ଡିସେମ୍ବର ୯ତାରିଖ ପରବର୍ତ୍ତୀ ତାରିଖ ଧାର୍ଯ୍ୟ କରିଛନ୍ତି । ଏହା ପୂର୍ବରୁ ସଲମାନ ଖାନଙ୍କ ତରଫରୁ ତାଙ୍କ ଓକିଲ କୋର୍ଟରେ ଉପସ୍ଥିତ ହୋଇଥିଲେ । ଏହା ପୂର୍ବରୁ ଅନୁପସ୍ଥିତିକୁ ନେଇ ଫିଲ୍ମ ନିର୍ମାତାଙ୍କୁ ନୋଟିସ୍ ପଠାଯାଇଥିଲା ଯାହା ପରେ ସମସ୍ତେ ଗତକାଲି କୋର୍ଟରେ ହାଜର ହୋଇଥିଲେ ।
ଗତ ଅଗଷ୍ଟ ୧୪ତାରିଖରେ ଓକିଲ ସୁନୀଲ କୁମାର ଓଝା ,ସଲମାନ ଖାନ୍ ସମେତ ୮ କଳାକାରଙ୍କ ବିରୋଧରେ ଜିଲ୍ଲା କୋର୍ଟରେ ରିଭିସନ ଦାଖଲ କରିଥିଲେ । ଏହା ପୂର୍ବରୁ ଜୁଲାଇରେ ସିଜେଏମ୍ କୋର୍ଟରେ ଅଭିଯୋଗ ଦାଖଲ କରାଯାଇଥିଲା । ଜୁଲାଇ ୮ତାରିଖରେ ସିଜେଏମ୍ କୋର୍ଟ ଘଟଣାକୁ କ୍ଷେତ୍ରାଧିକାରରୁ ବାହାର କହି ଅଭିଯୋଗକୁ ଖାରଜ କରି ଦେଇଥିଲେ କିନ୍ତୁ ଏହି ଆଦେଶ ବିରୋଧରେ ରିଭିଜନ୍ ଦାଖଲ କରିଥିଲେ ।
