ସତ୍ୟଶିଖା (ହାଇଦ୍ରାବାଦ) ୨୦/୧୦/୨୦୨୦ : ହାଇଦ୍ରାବାଦର ଜଣେ ଆଇନ ଛାତ୍ରୀ ଅଜବ କଳାକୃତି ପ୍ରଦର୍ଶନ କରିଛନ୍ତି । ଯାହା ହୁଏତ ବିଶ୍ୱାସ ଲାଗି ନପାରେ । ହେଲେ ଏଭଳି କିଛି କରିବାରେ ସେ ସଫଳତା ହାସଲ କରିଛନ୍ତି । ୪,୦୪୨ ଚାଉଳରେ ଭଗବତ ଗୀତା ଲେଖିଛନ୍ତି ମାଇକ୍ରୋ ଆର୍ଟିଷ୍ଟ ରାମାଗିରି ସ୍ଵାରିକା । ନିଜକୁ ସେ ଦେଶର ପ୍ରଥମ ମାଇକ୍ରୋ ଆର୍ଟିଷ୍ଟ ବୋଲି କହନ୍ତି ।
ତେବେ ତାଙ୍କୁ ଏ କାମ ପୂରା କରିବା ପାଇଁ ୧୫୦ ଘଣ୍ଟା ସମୟ ଲାଗିଛି । ଏବେ ସୁଦ୍ଧା ସେ ଦୁଇ ହଜାରରୁ ଅଧିକ ମାଇକ୍ରୋ ଆର୍ଟୱାର୍କ ତିଆରି କରିଛନ୍ତି । ସେ ମିଲ୍କ ଆର୍ଟ, ପେପର କାର୍ଭିଂ ଆଦି କାମ ମଧ୍ୟ କରିଛନ୍ତି । ଏହା ପୂର୍ବରୁ ରାମାଗିରି କେଶରେ ସମ୍ବିଧାନ ଲେଖି ଥିଲେ । ଯାହା ପାଇଁ ତାଙ୍କୁ ତେଲେଙ୍ଗାନା ରାଜ୍ୟପାଳ ସମ୍ମାନିତ କରିଥିଲେ । ଜାତୀୟ ସ୍ତରରେ ତାଙ୍କ କଳାକୃତି ଆଦୃତି ଲାଭ କରିବାରୁ ସେ ଅନ୍ତର୍ଜାତୀୟ ସ୍ତରରେ ପହଞ୍ଚାଇବକୁ ଚେଷ୍ଟା ଚଳାଇଛନ୍ତି ।
ଗୀତ ଓ ଆର୍ଟ ପ୍ରତି ତାଙ୍କର ରୁଚି ରହିଛି । ଚାରି ବର୍ଷ ହେବ ସେ ଚାଉଳ ଦାନାରେ ଗଣେଶଙ୍କ ଚିତ୍ର ସହ ମାଇକ୍ରୋ ଆର୍ଟ ଆରମ୍ଭ କଲେ । ୨୦୧୯ରେ ରାମାଗିରିଙ୍କୁ ଦିଲ୍ଲୀ ସାଂସ୍କୃତିକ ଅକାଦେମିରୁ ଜାତୀୟ ପୁରସ୍କାର ସମ୍ମାନିତ କରାଯାଇ ଥିଲା ଓ ତାଙ୍କୁ ଭାରତର ପ୍ରଥମ ମାଇକ୍ରୋ ଆର୍ଟିଷ୍ଟ ମାନ୍ୟତା ଦିଆଯାଇ ଥିଲା । ଏହା ବାଦ୍ ତାଙ୍କୁ ୨୦୧୭ରେ ଇଣ୍ଟନାସନାଲ ଅର୍ଡର ବୁକ ଅଫ୍ ରେକର୍ଡ ଓ ୨୦୧୯ରେ ଦିଲ୍ଲୀ କଲଚରାଲ ଅକାଦେମି ପକ୍ଷରୁ ଜାତୀୟ ପୁରସ୍କାରରେ ସମ୍ମାନିତ କରାଯାଇ ଥିଲା । ଆଇନ ଛାତ୍ରୀ ହୋଇଥିବାରୁ ଆଇନଜ୍ଞ ହେବାରେ ତାଙ୍କର ଇଚ୍ଛା ।
