ସତ୍ୟଶିଖା(ଭୁବନେଶ୍ୱର )୨୩.୧୦ .୨୦୨୧: କରୋନା ମହାମାରୀର ଦ୍ୱିତୀୟ ଲହରର ଭୟାବହତା କମି କମି ଆସୁଥିବା ବେଳେ ଏବେ ପୁଣି ଥରେ ଭୟ ବଢିଛି । ମହାରାଷ୍ଟ୍ରରେ କରୋନାର ଆଉ ଏକ ନୂଆ ଚିହ୍ନଟ ହୋଇଛି । ଯାହାକୁ ନେଇ ଏବେ ପୁରା ଦେଶରେ ସଂକ୍ରମଣ ବଢିବା ନେଇ ଆଶଙ୍କା କରାଯାଉଛି ।
ଏପଟେ ରାଜ୍ୟରେ କରୋନା ସଂକ୍ରମଣ ହାର ଦିନକୁ ଦିନ ତଳମୁହାଁ ହେଉଥିବା ବେଳେ ମହାରାଷ୍ଟ୍ରର ନୂଆ ଷ୍ଟ୍ରେନ୍ କୁ ନେଇ ଚିନ୍ତା ପ୍ରକଟ କରିଛନ୍ତି ଡିଏମଇଟି ଡାକ୍ତର ସିବିକେ ମହାନ୍ତି ।
ଏବେ ନୂଆ ଭ୍ୟାରିଏଣ୍ଟ ଉପରେ ଗବେଷଣା ଜାରି ରହିଛି । ଏବଂ ଓଡ଼ିଶାରେ ସେଭଳି କøଣସି ସ୍ଥିତି ନାହିଁ ବୋଲି ଡିଏମଇଟି କହିଥିବା ବେଳେ ରାଜ୍ୟରେ ଏବେବି ସଂକ୍ରମଣ ରହିଛି ତେଣୁ ଆମକୁ ପୂର୍ବ ଅପେକ୍ଷା ଏବେ ଆହୁରି ଅଧିକ ସଚେତନ ହେବାର ଆବଶ୍ୟକ ରହିଛି ବୋଲି କହିଛନ୍ତି ଡାକ୍ତର ସିବିକେ ମହାନ୍ତି ।
ରାଜ୍ୟରେ କରୋନା ମହାମାରୀର ଦ୍ୱିତୀୟ ପର୍ଯ୍ୟାୟ ପ୍ରାୟ ଶେଷ ପର୍ଯ୍ୟାୟରେ ପହଞ୍ଚିଛି ଆଉ ଅଳ୍ପ ଦିନ ମଧ୍ୟରେ ଦ୍ୱିତୀୟ ଲହରର ପ୍ରଭାବ ସମ୍ପୂର୍ଣ୍ଣ ଭାବରେ ହ୍ରାସ ପାଇବ । ଏବଂ ଏହି ସମୟରେ ସାମନ୍ୟ ମାତ୍ର ଅବହେଳା ବି ରାଜ୍ୟରେ କରୋନା ସଂକ୍ରମଣ ଭୟଙ୍କର ସ୍ଥିତି ସୃଷ୍ଟି କରିପାରେ ବୋଲି କହିଛନ୍ତି ଡିଏମଇଟି ସିବିକେ ମାହାନ୍ତି
