ସତ୍ୟଶିଖା (ଭୁବନେଶ୍ୱର) ୧୭.୦୫.୨୦୨୨: ନିଖୋଜ ଥିବା ପୂର୍ବତନ ବିଧାୟକ ସରୋଜ ପାଢୀ ଉଦ୍ଧାର ହୋଇଛନ୍ତି । କମିଶନରେଟ୍ ପୋଲିସ୍ ତାଙ୍କୁ ବ୍ରହ୍ମପୁରରୁ ଉଦ୍ଧାର କରିଛି । ସେ ରାମେଶ୍ୱମରୁ ଆସି ବ୍ରହ୍ମପୁରରେ ପହଞ୍ଚିବା ପରେ ଉଦ୍ଧାର ହୋଇଛନ୍ତି । କମିଶନରେଟ୍ ପୋଲିସ୍ ତାଙ୍କୁ ବ୍ରହ୍ମପୁରରୁ ଉଦ୍ଧାର କରିବା ପରେ ବର୍ତ୍ତମାନ ଭୁବନେଶ୍ୱର ଆଣୁଛନ୍ତି । ଏନେଇ କ୍ୟାପିଟାଲ ଥାନା ଆଇଆଇସି ସୂଚନା ଦେଇଛନ୍ତି ।
ସୂଚନାଯୋଗ୍ୟ ଯେ, ୫ ଦିନ ଧରି ନିଖୋଜ ଥିଲେ ବିଧାୟକ ସରୋଜ ପାଢୀ । ଗତ ୧୨ ତରିଖରେ ସକାଳ ୭ଟାରେ ସେ କେଉଁଆଡେ ଚାଲିଯାଇଥିଲେ । ପରିବାର ଲୋକେ ସଂପର୍କୀୟଙ୍କ ଘର ଓ ବିଭିନ୍ନ ସ୍ଥାନରେ ଖୋଜିବା ପରେ ତାଙ୍କର ପତ୍ତା ମିଳିନଥିଲା । ଏହାପରେ ପୁଅ ସମ୍ବିତ ପାଢୀ ଥାନାରେ ଅଭିଯୋଗ କରିଥିଲେ ।
ଅନ୍ୟପକ୍ଷରେ ପୂର୍ବତନ ବିଧାୟକ ଶ୍ରୀ ପାଢ଼ୀ କାହିଁକି ଘରେ କାହାକୁ କିଛି ନ କହି ରାମେଶ୍ୱରମ ଚାଲି ଯାଇଥିଲେ, ସେ ନେଇ କିଛି ଜଣାପଡ଼ିନି। ପୁଲିସ୍ ସେ ନେଇ କିଛି ସୂଚନା ଦେଇ ନାହିଁ।
