ନୂଆଦିଲ୍ଲୀ: ଭାରତ ଓ ପାକିସ୍ତାନ ମଧ୍ୟରେ ଅନେକ ଉତ୍କଣ୍ଠାପୂର୍ଣ୍ଣ ମ୍ୟାଚ୍ ବିଶ୍ୱ ଦେଖିଛି। ବିଶେଷ କରି ୨୦୦୭ ଟି-୨୦ ବିଶ୍ୱକପରେ ଭାରତ ଓ ପାକିସ୍ତାନ ମଧ୍ୟରେ ହୋଇଥିବା ଦୁଇଟି ଯାକ ମ୍ୟାଚ୍ ଆଜି ବି ସମସ୍ତେ ମନେ ରଖିଛନ୍ତି। ୨୦୦୭ ବିଶ୍ୱକପ ପରଠରୁ ଉଭୟ ଦେଶ ଏକାଧିକ ସୁପରଷ୍ଟାର ପାଇଛନ୍ତି।
ଭାରତ-ପାକିସ୍ତାନ ଦ୍ୱିପାକ୍ଷିକ ସିରିଜ ଖେଳୁ ନଥିଲେ ମଧ୍ୟ ଆଇସିସି ଟୁର୍ଣ୍ଣାମେଣ୍ଟର ଉଭୟ ଦେଶ ପରସ୍ପରକୁ ଭେଟିବା ବେଳେ ଅନେକ ରୋମାଞ୍ଚକ ଦେଖିବାକୁ ମିଳେ। ଏସବୁ ଭିତରେ ପାକିସ୍ତାନର ଯୁବ ତାରକା ତଥା ଷ୍ଟାର ବ୍ୟାଟସମ୍ୟାନ ବାବର ଆଜମ ଭାରତ-ପାକିସ୍ତାନ ମିଳିତ ଟି-୨୦ ଏକାଦଶ ବାଛିଛନ୍ତି। ଚୂଡ଼ାନ୍ତ ଏକାଦଶରେ ସେ ଭାରତର ୬ ଜଣ ଖେଳାଳିଙ୍କୁ ସ୍ଥାନ ଦେଇଥିବା ବେଳେ ୫ ଜଣ ପାକ୍ ଖେଳାଳୀ ଅଛନ୍ତି।
ଆହୁରି ପଢ଼ନ୍ତୁ
ବାବର ଓପନର ଭାବେ ରୋହିତ ଶର୍ମାଙ୍କୁ ବାଛି ଥିବା ବେଳେ ଦ୍ୱିତୀୟ ଓପନର ଭାବେ ନିଜେ ବ୍ୟାଟିଂ କରିବେ ବୋଲି କହିଛନ୍ତି।ସେହିପରି ନିଃସନ୍ଦେହରେ ସେ ୩ନଂରେ ଟିମ୍ ଇଣ୍ଡିଆର କ୍ୟାପ୍ଟେନ ବିରାଟ କୋହଲିଙ୍କ ନାଁ ଉଲ୍ଲେଖ କରିଛନ୍ତି। ୪ନଂରେ ବାବର ପାକିସ୍ତାନର ସୋଏବ ମାଲିକଙ୍କୁ ରଖିଥିବା ବେଳେ ୫ନଂରେ ଅଲରାଉଣ୍ଡର ଶଦାବ ଖାନ ଓ ୬ ନଂରେ ହାର୍ଦ୍ଦିକ ପାଣ୍ଡ୍ୟାଙ୍କୁ ରଖିଛନ୍ତି।
ଦ୍ରୁତ ବୋଲର ଭାବେ ଶାହୀନ ଆଫ୍ରିଦି, ମହମ୍ମଦ ଆମୀର ଓ ଯଶପ୍ରୀତ ବୁମ୍ରା ରହିଛନ୍ତି। ଶେଷରେ ବାବର ଆଜମ ଭାରତର ଚାଇନା ମ୍ୟାନ କୁଲଦୀପ ଯାଦବଙ୍କୁ ଏହି ମିଳିତ ଭାରତ-ପାକିସ୍ତାନ ଏକାଦଶରେ ସ୍ଥାନ ଦେଇଛନ୍ତି।
