କୋଲକାତା: ମହାମାରୀ କରୋନା ପଶ୍ଚିମବଙ୍ଗରେ ଅଭିଶାପର ରୂପ ନେଇଛି। କେଶ୍ ହାରିବାର ରାଗରେ କୋଲକାତା ହାଇକୋର୍ଟର ଜଣେ ଓକିଲ ଜଜ୍ଙ୍କୁ ଏପରି ଅଦ୍ଭୁତ ଅଭିଶାପ ଦେଇଛନ୍ତି। ବିଚାରପତି ତାଙ୍କ ପକ୍ଷରେ ରାୟ ନଦେବାରୁ ଓକିଲ ଜଣକ ଅଭିଶାପ ଦେଇଛନ୍ତି, ଆପଣଙ୍କୁ କରୋନା ହେଇଯାଉ।
ତେବେ ଏପରି ଘଟଣା ପରେ ଜଷ୍ଟିସ୍ ଦିପଙ୍କର ଦତ୍ତ ଓକିଲ ବିଜୟ ଅଧିକାରୀଙ୍କୁ ଭତ୍ସନା କରିଛନ୍ତି। ଓକିଲ ଜଣକ କୋର୍ଟର ମର୍ଯ୍ୟାଦା ହାନି କରିଥିବା ସହ ଏକ ମର୍ଯ୍ୟାଦାଜନକ ବୃତ୍ତିର ଅପମାନ କରିଥିବା କହିଛନ୍ତି। ଏଥିସହ ୧୫ ଦିନ ଭିତରେ ଏପରି କରିବାର କାରଣ ଦର୍ଶାଇବାକୁ କହିଛନ୍ତି।
ସୂଚନାଯୋଗ୍ୟ ଯେ, କରୋନା ପାଇଁ କୋଲକାତା ହାଇକୋର୍ଟ ମାର୍ଚ୍ଚ ୧୫ ପରଠାରୁ କେବଳ ଜରୁରୀକାଳୀନ ମାମଲା ଶୁଣାଣି କରୁଛନ୍ତି। ମାର୍ଚ୍ଚ ୨୫ ପରଠାରୁ କେବଳ ଭିଡିଓ କନ୍ଫରେନ୍ସରେ ଶୁଣାଣି ହେଉଛି। ଓକିଲ ଜଣକ ଏକ ବସ୍ ଜବତ ସମ୍ପର୍କିତ ମାମଲାକୁ ଜରୁରୀକାଳୀନ ଭାବେ ଶୁଣାଇବାକୁ କହିଥିଲେ। କିନ୍ତୁ କୋର୍ଟ ଏହି ଆବେଦନକୁ ଅଗ୍ରାହ୍ୟ କରିଦେଇଥିଲେ।
[ad_2]
