ନୂଆଦିଲ୍ଲୀ: ଲଦାଖର ଗଲୱାନ ଭ୍ୟାଲିରେ ଭାରତ ଓ ଚାଇନା ମଧ୍ୟରେ ଦେଖାଯାଇଥିବା ରକ୍ତାକ୍ତ ସଂଘର୍ଷ ଘଟଣାରେ ବେଜିଂ ନୂଆ ଭେଳିକି ଦେଖାଇଛି। ଭାରତକୁ ଚାଇନା ବୈଦେଶିକ ମନ୍ତ୍ରଣାଳୟର ମୁଖପାତ୍ର ହୁ ଚୁନୟିଙ୍ଗ ସଂଘର୍ଷ ପାଇଁ ଦାୟୀ କରିଛନ୍ତି।
ଆହୁରି ପଢ଼ନ୍ତୁ
ସେ କହିଛନ୍ତି, “ସୋମବାର ସନ୍ଧ୍ୟାରେ ଭାରତୀୟ ସେନା ପୂର୍ବରୁ ହୋଇଥିବା ବୁଝାମଣାକୁ ଉଲ୍ଲଙ୍ଘନ କରି ଏଲଏସି ଅତିକ୍ରମ କରିଥିଲା। ଏଥିସହ ସୀମା ଡେଇଁ ଚାଇନା ସେନା ସହ ବିବାଦ କରିଥିଲା। ଉତ୍ତେଜନା ସୃଷ୍ଟି କରିବା ପାଇଁ ଭାରତୀୟ ଯବାନମାନେ ଚାଇନିଜ ଅଫିସିଆଲ ଓ ସୈନ୍ୟଙ୍କୁ ଆକ୍ରମଣ କରିଥିଲେ। ଫଳରେ ଦୁଇ ଦେଶର ଯବାନଙ୍କ ମଧ୍ୟରେ ହାତାହାତି ସ୍ଥିତି ସୃଷ୍ଟି ହୋଇଥିଲା।
ଭାରତ କେବେ ହେଲେ ବର୍ତ୍ତମାନର ସ୍ଥିତିକୁ ହାଲୁକା ଭାବେ ଗ୍ରହଣ ନ କରୁ। ସେହିପରି ଚାଇନାକୁ ବି କମଜୋର ନ ଭାବୁ। ଚାଇନା ସର୍ବଦା ନିଜ ଦେଶର ଅଖଣ୍ଡତା ଓ ସ୍ଥିରତା ପାଇଁ ପ୍ରତିଶ୍ରୁତିବଦ୍ଧ। ଏହାକୁ ପାଳନ କରିବାକୁ ଆମେ ପ୍ରସ୍ତୁତ। ଦେଶର ସୁରକ୍ଷା ପାଇଁ ଚାଇନା କିଛି ବି କରିପାରିବ।”
