ଭୁବନେଶ୍ୱର: ରାଜ୍ୟସ୍ତରୀୟ ସ୍ୱାଧୀନତା ଦିବସ ପାଳନ ପାଇଁ ସମସ୍ତ ପ୍ରସ୍ତୁତି ସରିଛି । ସୁରକ୍ଷା ଦୃଷ୍ଟିରୁ ରାଜଧାନୀର ବିଭିନ୍ନ ଅଞ୍ଚଳ ଓ ହୋଟେଲ୍ରେ କଡା ଚେକିଂ କରୁଛି ପୁଲିସ୍ । କରୋନା କଟକଣା ଥିବାରୁ ଏଥର ବି ସ୍ୱଧୀନତା ଦିବସ ପାଳନ ଦେଖିବାକୁ ଦର୍ଶକଙ୍କୁ ଅନୁମତି ଦିଆଯାଇନାହିଁ । ଗତକାଲି ବିଳମ୍ବିତ ରାତିଠାରୁ କମିଶନରେଟ୍ ପୁଲିସ୍ ବିଭିନ୍ନ ହୋଟେଲ୍ ଯାଞ୍ଚ କରୁଛି । କେଉଁମାନେ ହୋଟେଲରେ ରହୁଛନ୍ତି, ସେମାନଙ୍କ ମଧ୍ୟରେ ବିଦେଶୀ କେତେ ଅଛନ୍ତି, ସେ ବିଷୟରେ ହୋଟେଲ୍ କାଗଜ ପତ୍ର ଯାଞ୍ଚ କରୁଛି ପୁଲିସ । ବିମାନ ବନ୍ଦର ଓ ରେଳ ଷ୍ଟେସନରେ ମଧ୍ୟ କଡା଼ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ତା’ଛଡ଼ା ସହରର ୧୪ଟି ଜିଗାରେ ପୁଲିସ୍ ବ୍ଲକିଂ କରି ଚେକିଂ କରୁଛି । ଯାହା ଉପରେ ସନ୍ଦେହ ହେଉଛି ପୁଲିସ୍ ତାକୁ ଅଟକ ରଖୁଛି । ବିଶେଷ କରି ସହରର ପ୍ରବେଶ ପଥ ଉପରେ ପୁଲିସ୍ ନଜର ରଖିଛି । ସେଥିପାଇଁ ୪ ଟି ଅସ୍ଥାୟୀ କଣ୍ଟ୍ରୋଲ୍ ରୁମ୍ ଖୋଲାଯାଇଛି ।
ପ୍ରଦର୍ଶନୀ ପଡ଼ିଆ ଭିତରେ ୧୦ ପ୍ଲାଟୁନ୍ ଫୋର୍ସ ମୁତୟନ ରହିବେ । ବାକି ୫ ପ୍ଲାଟୁନ୍ ଫୋର୍ସ ସହରର ବିଭିନ୍ନ ଅଞ୍ଚଳରେ ଜଗି ରହିବେ । ରାଜଧାନୀକୁ ସଂଯୋଗ କରୁଥିବା ରାସ୍ତାରେ ସ୍ୱତନ୍ତ୍ର ଚେକ୍ ପୋଷ୍ଟ କରାଯାଇ ଚେକିଂ କରାଯାଉଛି ।
