ସତ୍ୟଶିଖା (ଭୁବନେଶ୍ୱର)୩୧.୧୨.୨୦୨୧: ଆସନ୍ତା ୩ ତାରିଖରୁ ହିଁ ଖୋଲିବ ପ୍ରଥମରୁ ପଞ୍ଚମ ଶ୍ରେଣୀ । ଦ୍ବନ୍ଦ ଦୂର କଲେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ । ମନ୍ତ୍ରୀ କହିଛନ୍ତି, ନୋଡାଲ ଅଫିସରମାନେ ଜିଲ୍ଲା ବୁଲୁଛନ୍ତି । ଡିଇଓ ଓ ବିଇଓଙ୍କ ସହ ସଚିବ ବୈଠକ କରୁଛନ୍ତି । ତେବେ ଅଫଲାଇନ କ୍ଲାସ ବାଧ୍ୟତାମୂଳକ ନୁହେଁ ।
ସ୍କୁଲ ଖୋଲିବା ପରେ ଆସନ୍ତା ୪ ତାରିଖରେ ଫଲ୍ ଆଉଟ୍ ସମ୍ପର୍କରେ ମୁଁ ମଧ୍ୟ ଡିଇଓମାନଙ୍କର ବୈଠକ ନେବି। ଯିଏ ଚାହିଁବେ ଅନଲାଇନରେ ପଢ଼ିବେ। ଭିତ୍ତିଭୂମିକୁ ନଜରରେ ନିଷ୍ପତ୍ତି ନିଆଯାଇଛି। ସ୍କୁଲ କ୍ୟାମ୍ପସ ବି ସ୍ୱଚ୍ଛ କରାଯାଇଛି। କରୋନା ସମ୍ପୂର୍ଣ୍ଣ ଭାବେ ଯାଇନି। ପିଲାଙ୍କୁ ଗହଳି ସ୍ଥାନରୁ ଦୁରେଇ ରଖିବାକୁ ଅଭିଭାବକ ମାନଙ୍କୁ ନିବେଦନ କରାଯାଇଛି। ଓମିକ୍ରନକୁ ଦୃଷ୍ଟିରେ ରଖି ସଂକ୍ରମଣମୁକ୍ତ ଶିକ୍ଷା ଲାଗି ବ୍ୟବସ୍ଥା ହୋଇଛି। ୨୦୨୨ରେ ପରୀକ୍ଷା ଠିକ୍ ସମୟରେ ହେବ ଓ ଫଳ ଠିକ୍ ସମୟରେ ପ୍ରକାଶ ପାଇବାକୁ ପ୍ରସ୍ତୁତି କରିଛି ଗଣଶିକ୍ଷା ବିଭାଗ। ପିଲାମାନେ ବି ପ୍ରସ୍ତୁତ ରୁହନ୍ତୁ।
