ସତ୍ୟଶିଖା (ଭୁବନେଶ୍ୱର) ୨୬/୦୧/୨୦୨୧ : ରାଜ୍ୟରେ ଆଉ ୨ ଦିନ କେତେକ ଜିଲ୍ଲାରେ ଘନ କୁହୁଡ଼ି ଦେଖାଯିବ । ଶୀତ ପ୍ରକୋପ ଏବେ କମ୍ ରହିଛି । ପଶ୍ଚିମା ବାୟୁ ଏବଂ ଟ୍ରଫଲାଇନ ଯୋଗୁ ଆସନ୍ତା ୨୯ରେ ରାଜ୍ୟର କେତେକ ଅଞ୍ଚଳରେ ହାଲୁକା ବର୍ଷା ହୋଇପାରେ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।
କେତେକ ଅଞ୍ଚଳକୁ ସୋମବାର ରାତିରୁ ଘନ କୁହୁଡ଼ି ଘେରି ରହିଥିଲା । ମଙ୍ଗଳବାର ସକାଳୁ ଅନୁଗୁଳ, ଢେଙ୍କାନାଳ, ବୌଦ୍ଧ, ନୟାଗଡ଼, କଟକ, କନ୍ଧମାଳ, ଖୋର୍ଦ୍ଧା, ଜଗତସିଂହପୁର, କେନ୍ଦ୍ରାପଡ଼ା, ଯାଜପୁର, ଭଦ୍ରକରେ ଘନ କୁହୁଡ଼ି ଦେଖିବାକୁ ମିଳିଛି । ଏହାବାଦ୍ ଉପକୂଳ ଓଡ଼ିଶା ଏବଂ ଆଭ୍ୟନ୍ତରୀଣ ଜିଲ୍ଲାର କେତେକ ଅଞ୍ଚଳରେ ମଧ୍ୟମ ଧରଣର କୁହୁଡ଼ି ଦେଖିବାକୁ ମିଳିଛି । ମଙ୍ଗଳବାର ରାତି ଓ ବୁଧବାର ମଧ୍ୟ କେତେକ ଅଞ୍ଚଳରେ ଘନ କୁହୁଡ଼ି ରହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।
