ସତ୍ୟଶିଖା(ଭୁବନେଶ୍ୱର ) ୨୭.୧୨.୨୦୨୧: ଓଡିଶା ପୁଅ ରାଜବୀର ପାଇଁ ବିଦେଶରେ କରାଯାଉଛି କ୍ୟାମ୍ପେନିଙ୍ଗ । ସ୍ପାଇନାଲ ମସ୍କୁଲାର ଅଟ୍ରୋଫି ତଥା ଏସ୍ଏମ୍ଏ ଭଳି ମେରୁଦଣ୍ଡ ମାଂସପେଶୀ ରୋଗରେ ଆକ୍ରାନ୍ତ ଫୁଲବାଣୀର ୧୯ ମାସର ପୁଅ ରାଜବୀର ପାଇଁ ଆମେରିକାରେ ଏକାଠି ହୋଇ ସାହାର୍ଯ୍ୟ ପାଇଁ ଆଗେଇ ଆସିଛନ୍ତି ପ୍ରବାସୀ ଓଡିଆ । ବିଦେଶରେ ଏବେ ସେଲିବ୍ରେସନ ମାହୋଲ ଚାଲିଥିବାବେଳେ ସେଠାରେ ରହୁଥିବା ପ୍ରବାସୀ ଓଡିଆ ରାଜବୀରକୁ ସାହାର୍ଯ୍ୟ କରିବାକୁ ନିଆରା ପ୍ରୟାସ କରିଛନ୍ତି ।
ଆମେରିକାର ନର୍ଥ କୋରୋଲିନାରେ ଥିବା କୋର ସହରର ବିଭିନ୍ନ ଚର୍ଚ୍ଚ ବାହାରେ ରାଜବୀର ଫଟୋ ଲଗାଇ ସାହାର୍ଯ୍ୟ ମାଗୁଛନ୍ତି । ଅନଲାଇନ୍ ଜରିଆରେ ଟଙ୍କା ଦାନ କରି ରାଜବୀରଙ୍କୁ ବଂଚାଇଦେବା ପାଇଁ ବି ସେମାନେ ନିବେଦନ କରୁଛନ୍ତି । ମୃତ୍ୟୁ ସହ ଲଢେଇ କରୁଥିବା ରାଜବୀରଙ୍କୁ ଜୋଲଗେନ୍ସମା ଇଞ୍ଜେକସନର ଆବଶ୍ୟକତା ଥିବା ଡାକ୍ତର କହିଛନ୍ତି । ଏହାର ମୂଲ୍ୟ ୧୬ କୋଟି ହୋଇଥିବାରୁ ଏତେ ଟଙ୍କା ଯୋଗାଡ କରିବା ପରିବାର ପକ୍ଷେ ସମ୍ଭବପର ହେଉନି, ତେଣୁ ରାଜବୀରଙ୍କ ବାପା-ମା, ପୁଅର ଚିକିତ୍ସା ପାଇଁ ରାଜ୍ୟ ରାଜ୍ୟ ବୁଲି ସାହାର୍ଯ୍ୟ ମାଗୁଥିବା ବେଳେ, ଅନେକ ବଦାନ୍ୟ ବ୍ୟକ୍ତି ସାହାର୍ଯ୍ୟର ହାତ ବଢାଇଛନ୍ତି ।
