ସତ୍ୟଶିଖା (ଭୁବନେଶ୍ୱର ) ୨୩.୦୨.୨୦୨୩ : ପ୍ରଥମ ବିବାହରେ ବିଫଳ ହେବାପରେ ଜୀବନରେ ଆଗକୁ ବଢ଼ିବାକୁ ନିଷ୍ପତ୍ତି ନେଇଛନ୍ତି ତାରକ ମେହେଟ୍ଟା ଓରଫ ସଚିନ ଶ୍ରଫ। ୫୦ ବର୍ଷରେ ସଚିନ ପୁଣି ଥରେ ନୂଆ ଜୀବନସାଥୀ କରିବେ। ସେଥିଲାଗି ଏହି ଖବର ଏବେ ଚର୍ଚ୍ଚାରେ। ଫେବୃୟାରୀ ୨୫ରେ ଅଭିନେତା ଦ୍ୱିତୀୟ ବିବାହ କରିବେ। ତାଙ୍କର ଭାବିପତ୍ନୀ ଜଣେ ଇଭେଣ୍ଟ ମ୍ୟାନେଜର ବୋଲି ଜଣାପଡ଼ିଛି।
ସେ ତାଙ୍କ ଭଉଣୀଙ୍କ ବନ୍ଧୁ ବୋଲି ଜଣାପଡ଼ିଛି। ସଚିନ ପ୍ରଥମେ ଟେଲି ଅଭିନେତ୍ରୀ ଜୁହି ପରମାରଙ୍କୁ ବିବାହ କରିଥିଲେ। ହେଲେ ବିବାହର ୯ବର୍ଷ ପରେ ୨୦୧୮ ମସିହାରେ ଦୁହେଁ ଦୁହିଁଙ୍କଠାରୁ ଅଲଗା ହୋଇଯାଇଥିଲେ। ତାଙ୍କର ୧୦ବର୍ଷର ଝିଅ ସମାୟରା ଅଛି। ସେ କେବେ ନିଜ ଲାଇଫ କିମ୍ବା ବୈବାହିକ ଜୀବନ ବିଷୟରେ କ୍ୟାମେରା ସାମ୍ନାରେ କିଛି କହି ନ ଥିଲେ। କିନ୍ତୁ ଏବେ ପୁଣି ଥରେ ନିଜ ଲାଇଫକୁ ଆଉ ଥରେ ସୁଯୋଗ ଦେବାକୁ ନିଷ୍ପତ୍ତି ନେଇଛନ୍ତି। ତାଙ୍କ ବିବାହ କେବଳ ପରିବାର ଏବଂ କ୍ଲୋଜ ରିଲେଟିଭଙ୍କ ସହିତ ସମ୍ପନ୍ନ ହେବ।
ଅଭିନୟ ଲାଇଫ କଥା କହିବାକୁ ଗଲେ ସଚିନ ଟେଲିଭିଜନ, ଓଟିଟି ଏବଂ ଫିଲ୍ମରେ କାମ କରିଛନ୍ତି। ସେ ପ୍ରକାଶ ଝାଙ୍କ `ଆଶ୍ରମ’ ଓ୍ବେବସିରିଜରେ ନଜର ଆସିଥିଲେ। ଏହାପରେ ସେ ସବଟିଭିର ଲୋକପ୍ରିୟ ଧାରାବାହିକ `ତାରକ ମେହେଟା କା ଉଲଟା ଚଷମା’ରେ ଶୈଳେଶ ଲୋଢାଙ୍କୁ ରିପ୍ଲେଶ କରିଛନ୍ତି। ଏଥିରେ ମଧ୍ୟ ତାଙ୍କ ଅଭିନୟକୁ ଦର୍ଶକ ବେଶ ପସନ୍ଦ କରିଛନ୍ତି।
