ବ୍ରହ୍ମପୁର(ଜଗନ୍ନାଥ ସାହୁ): କର୍ଣ୍ଣାଟକର ମାଙ୍ଗାଲୋରକୁ ମାଛ ମାରିବାକୁ ଯାଇ ଗଞ୍ଜାମ, ବାଲେଶ୍ୱର ଓ ଭଦ୍ରକର ୩ଶହ ମତ୍ସ୍ୟଜୀବୀ ଫସି ରହିଛନ୍ତି। ସେମାନଙ୍ଥିକ ମଧ୍ୟରୁ କେବଳ ଗଞ୍ଜାମ ଜିଲ୍ଲା ଚିକିଟି ବ୍ଲକ ପାତି ସୁନାପୁର, ରାମେୟପଟଣା ସମେତ ଆଖପାଖ ୧୦ରୁ ଅଧିକ ଗାଁର ୧୫୦ରୁ ଊର୍ଦ୍ଧ୍ୱ ମତ୍ସ୍ୟଜୀବୀ ଫସି ରହିଛନ୍ତି। ତେବେ ଲକ୍ଡାଉନ୍ ପରଠୁ ସେଠାରେ ମାଛ ମାରିବା ବନ୍ଦ ରହିଛି। ଫଳରେ ସେମାନଙ୍କ ପାଖରେ ଯାହା ଟଙ୍କା ଥିଲା ଖାଇବା ପିଇବାରେ ସବୁ ସରିଗଲାଣି।
ଆହୁରି ପଢ଼ନ୍ତୁ
ତେବେ ଅନ୍ୟ ରାଜ୍ୟର ମତ୍ସ୍ୟଜୀବୀଙ୍କୁ ସେମାନଙ୍କ ରାଜ୍ୟ ସରକାର ସ୍ୱତନ୍ତ୍ର ବସ୍ ଯୋଗେ ନେଇ ଯାଇଥିବାବେଳେ ଓଡ଼ିଶା ସରକାରଙ୍କ ପକ୍ଷରୁ ଏନେଇ କୌଣସି ପଦକ୍ଷେପ ନିଆଯାଇ ନାହିଁ। ସେମାନେ ଏବେ ମାଛ ମରା ବୋଟ୍ରେ ରହୁଛନ୍ତି। ମଶା କାମୁଡୁଥିବାରୁ ସ୍ୱାସ୍ଥ୍ୟାବସ୍ଥା ବି ଖରାପ ହେଲାଣି ବୋଲି ମତ୍ସ୍ୟଜୀବୀମାନେ ଅଭିଯୋଗ କରିଛନ୍ତି। ଏମିତିକି ମାଲିକ ଆଉ କିଛି ଟଙ୍କା ଦେଉ ନ ଥିବାରୁ ବଞ୍ଚିବା ଦିନକୁ ଦିନ କଷ୍ଟକର ହୋଇପଡ଼ିଲାଣି। ତେଣୁ ମୁଖ୍ୟମନ୍ତ୍ରୀ ସେମାନଙ୍କୁ ଉଦ୍ଧାର କରି ଓଡ଼ିଶା ଫେରାଇ ନେବାକୁ ଏକ ଭିଡିଓ ମାଧ୍ୟମରେ ଏହି ମତ୍ସ୍ୟଜୀବୀମାନେ ଦାବି କରିଛନ୍ତି।
