ସତ୍ୟଶିଖା (ଭୁବନେଶ୍ୱର) ୦୫/୦୧/୨୦୨୧ : ଚାକିରିରୁ ବିଦା ହେଲେ ୭ ଅଧିକାରୀ । ଜେଲ୍ ଡିଆଇଜିଙ୍କ ସମେତ ୭ଜଣ ଅଫିସରଙ୍କୁ ଚାକିରିରୁ ବିଦା କରିଛନ୍ତି ରାଜ୍ୟ ସରକାର । ଦୁର୍ନୀତି ଓ ଅପାରଗତ ଯୋଗୁଁ ବିଦା ହୋଇଛନ୍ତି ଏହି ସମସ୍ତ ଅପିସର । ରାଜ୍ୟ ସରକାର ଏହି ଅଧିକାରୀମାନଙ୍କୁ ବାଧ୍ୟତାମୂଳକ ଅବସର ଦେଇଛନ୍ତି । ରାଜ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସଦାସର୍ବଦା ଦୁର୍ନୀତି ଓ ଅପାରଗତା ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ନେଇଥାନ୍ତି । । ଏହି ପରିପ୍ରେକ୍ଷୀରେ ଏହି ୭ଜଣ ଅଫିସରଙ୍କୁ ବାଧ୍ୟତାମୂଳକ ଅବସର ଦିଆଯାଇଛି । ତେବେ ଚାକିରି ବିଦା ହୋଇଥିବା ଅଫିସରଙ୍କ ମଧ୍ୟରେ ଜଣେ ଜେଲ୍ ଡିଆଇଜି, ଜଣେ କମାଣ୍ଡାଣ୍ଟ, ଜଣେ D.S.P, ଜଣେ ଡେପୁଟି କମାଣ୍ଡାଣ୍ଟ ରହିଛନ୍ତି । ସେହିପରି ଆଉ ୨ ଜଣ ଖଣି ଅଧିକାରୀ ଓ ଜଣେ C.D.P.O ରହିଛନ୍ତି । ସୂଚନାଯୋଗ୍ୟ ଯେ, ଏହାପୂର୍ବରୁ ୬ଜଣଙ୍କ ବାଧ୍ୟତାମୂଳକ ଅବସର ଦେଇଛନ୍ତି ରାଜ୍ୟ ସରକାର । ବର୍ଷକ ମଧ୍ୟରେ ୧୦୪ଜଣଙ୍କୁ ଚାକିରିରୁ ବିଦା କରିସାରିଛନ୍ତି ରାଜ୍ୟ ସରକାର । ସମସ୍ତଙ୍କ ବିରୋଧରେ ଦୁର୍ନୀତି ଓ ଅପରାଗତ ଅଭିଯୋଗ ଆସିବା ପରେ କାର୍ଯ୍ୟାନୁଷ୍ଠାନ ନେଇଛନ୍ତି ରାଜ୍ୟ ସରକାର ।
