ସତ୍ୟଶିଖା ୧ .୦୯ .୨୦୨ ୦ : ସର୍ବଦା ନିଜକୁ ପ୍ରସ୍ତୁତ ରଖିଥିବା ଅଗ୍ନିଶମ ବିଭାଗ ଯେତେବେଳେ ଯେଉଁ ପ୍ରାକୃତିକ ବିପର୍ଯ୍ୟ ଆସୁନାକାହିଁ ସରକାରଙ୍କ ନିର୍ଦ୍ଧେଶ ଅନୁସାରେ ସମସ୍ତ ଦାଇତ୍ୱ ଗୁରୁତ୍ୱର ସହ ତୁଲେଇଆସିଛନ୍ତି l ଅଗ୍ନିସମ ବିଭାଗର କର୍ମଚାରୀମାନେ ବିଗତ ଦିନରେ ବହୁ ସଫଳତା ପାଇବାର ଦେଖିବାକୁ ମିଳିଛି ଚାହେ ମହାବାତ୍ୟା ହେଉ, ହୁଡ଼ ହୁଡ଼, ଫାଇଲିନ,ଫନି ଭଳି ବଡ ବଡ ବାତ୍ୟା ହେଉ ଅବା ବର୍ତ୍ତମାନ ଆସିଥିବା ବଡ ବନ୍ୟା ରେ ଜନସାଧାରଣଙ୍କୁ ଉଦ୍ଧାର କରିବା ସହ ବର୍ତ୍ତମାନ ସାରା ବିଶ୍ୱ କୁ ଆକ୍ରାନ୍ତ କରିଥିବା ମହାମାରୀ ମୁକାବିଲା ପାଇଁ ମଧ୍ୟ ମୁଖ୍ୟ ଦାଇତ୍ୱ ସୁଚାରୂପେ ତୁଲାଉଛନ୍ତି l କିଛି କର୍ମଚାରୀ ମାନେ ଲୋକଙ୍କ ସେବା କରି ନିଜେ କରୋନାରେ ଅକ୍ରାନ୍ତ ମଧ୍ୟ ହୋଇଛନ୍ତି l ଆକ୍ରାନ୍ତ ପରେ ମଧ୍ୟ ନିଜର ଦାଇତ୍ୱ ବଜାୟ ରଖିଛନ୍ତି, କୋଭିଡ୍ ହସ୍ପିଟାଲରେ ଚିକିତ୍ସା ହୋଇ ସୁସ୍ଥହେବା ପରେ ପ୍ଲାଜମା ଦାନ କରି ସାଧାରଣ ଲୋକଙ୍କ ଜୀବନ ବଞ୍ଚାଇବାରେ ମଧ୍ୟ ଅନ୍ୟମାନଙ୍କ ପାଇଁ ଉଦାହର ପାଲଟିଛନ୍ତି l
କୋଭିଡ୍ ସମୟରେ ଦିନରାତି ଅହରହ ପରିଶ୍ରମ କରି ନିଜ ଜୀବନକୁ ବାଜି ଲଗାଇ ନିଜ ପରିବାରଠାରୁ ଦୂରେଇ ରହି ଓଡ଼ିଶା ବାସୀଙ୍କୁ ସେବା ଯୋଗାଇ ଦେଇଆସୁଥିବା ଏହି ପ୍ରକୃତ କରୋନା ଯୋଦ୍ଧା ମାନଙ୍କୁ ଆଜି ଭୁବନେଶ୍ୱରର ରାଜୀବଭବନ ପଛପଟେ ଥିବା ଅଗ୍ନିଶମ ଅଫିସରେ ବିଭାଗର ଡେପୁଟୀ ଫାୟାର ଅଫିସର ରମେଶ ଚନ୍ଦ୍ର ମାଝି, ଷ୍ଟେସନ ଅଫିସର ବାବାଜୀ ଚରଣ ଲେଙ୍କାଙ୍କ ସମେତ ୩୦ ଜଣ କର୍ମଚାରୀଙ୍କୁ ସମାଜସେବୀ ତଥା ଶ୍ରୀ ମହାବୀର ସମାଜିକ ସଂଗଠନର ସାଧରଣ ସଂପାଦକ ତଥା ବିଜୁ ଜନତା ଦଳର ଭୂବନେଶ୍ୱର ସାଂଗଠନିକ ଜିଲ୍ଲାର ସଂପାଦକ ମିଲନ୍ କୁମାର ପାଇକରାୟଙ୍କ ନେତୃତ୍ୱରେ ସାମାଜିକ ଦୂରତା ରକ୍ଷାକରି ମାସ୍କ ପିନ୍ଧି, ସାନିଟାଇଜ୍ ହୋଇ ଉତ୍ତରୀୟ, ପୁଷ୍ପଗୁଚ୍ଛ ଓ ଟ୍ରଫି ପ୍ରଦାନକରି ସମ୍ବର୍ଦ୍ଧିତ କରାଯାଇଥିଲା ଓ ତତ୍ସହିତ ଗତ ଦୁଇଦିନ ତଳେ କମିଶନରେଟ୍ ପୋଲିସ୍ ର କାର୍ଯ୍ୟରତ ଯିଏ କି ମଧ୍ୟ ବିଧାୟକ, ଅନନ୍ତ ନାରାୟଣ ଜେନାଙ୍କ ବ୍ୟକ୍ତିଗତ ସୁରକ୍ଷା ଅଫିସର ସ୍ୱର୍ଗତ ଆଶିଷ କୁମାର ମହାକୁଡ଼ଙ୍କ ବିୟୋଗରେ ଏକ ମିନିଟ୍ ନୀରବ ପାର୍ଥନା କରି ତାଙ୍କ ଅମର ଆତ୍ମାର ସଦଗତି କାମନା ସହ ସମସ୍ତଙ୍କର ପ୍ରିୟ ବିଧାୟକ ଅନନ୍ତ ନାରାୟଣ ଜେନାଙ୍କ ଆଶୁ ଅରୋଗ୍ୟ କାମନା କରାଯାଇଥିଲା ।
ଏଥିରେ ଉପସ୍ଥିତ ସମସ୍ତ ଅଗ୍ନିଶମ କର୍ମଚାରୀ ଓ ଅତିଥିମାନଙ୍କ ମଧ୍ୟରେ ବିଧାୟକଙ୍କ ୱାର୍ଡ଼ ନଂ-୪୭ର ପ୍ରତିନିଧି ଶାରଦା ପ୍ରଶନ୍ନ ମହାନ୍ତି, ନୂଆସାହି ଆଞ୍ଚଳିକ ବିକାଶ କେନ୍ଦ୍ରର ସଭାପତି ରମେଶ ଚନ୍ଦ୍ର ନାୟକ, କ୍ରିକେଟ କୋଚ୍ କ୍ଷୀରୋଦ ବେହେରା, ୪ନଂମ୍ବର ହାଟ ବ୍ୟବସାୟୀ ସଂଘର ସାଧାରଣ ସଂପାଦକ ତଥା ବିଜୁ ଜନତା ଦଳ ଜିଲ୍ଲା ସମ୍ପାଦକ ବଦ୍ରି ନାରାୟଣ ମିଶ୍ର(ଟୁବୁରି) , ସମ୍ପାଦକ ଶ୍ରୀ ଅର୍ଜୁନ ବେହେରା, ଶ୍ରୀ ମହାବୀର ପୂଜା କମିଟିର କର୍ତ୍ତା ରମେଶ ଚନ୍ଦ୍ର ବେହେରା, ସମାଜ ସେବୀ ପ୍ରଭୁଦତ୍ତ ସାମଲ, ଶୁଭେନ୍ଦୁ ନାୟକ, ଅନୁଜ ଚନ୍ଦନ ନାୟକ, ସମୀରଣ ଦାସ, ସୁମନ କୁମାର ଜେନା, ସୌମ୍ୟ ରଞ୍ଜନ ସ୍ୱାଇଁ, ଶାଶ୍ୱତ ଲେଙ୍କା, ସନ୍ଦିପ୍ ରାଉତ ଓ ସର୍ବେଶ୍ୱର ବେହେରା ପ୍ରମୁଖ ଉପସ୍ଥିତ
ରହି କାର୍ଯ୍ୟ ସମ୍ପନ କରିଥିଲେ l
