ସତ୍ୟଶିଖା(ବାଲିଗୁଡ଼ା ) ୧୪.୧୨.୨୦୨୧: କନ୍ଧମାଳ ଜିଲ୍ଲାର ବାଲିଗୁଡ଼ାର ସବଜେଲରୁ କଏଦୀ ଫେରାର୍ ହୋଇଯାଇଥିବାର ଚାଞ୍ଚଲ୍ୟକର ଖବର ମିଳିଛି। ଫେରାର କଏଦୀଙ୍କ ନାମ ଟୁକୁନା ମାଳି ବୋଲି ଜଣାଯାଇଛି। ତାଙ୍କ ଘର ବ୍ରାହ୍ମଣୀଗାଁ ଥାନା ଅନ୍ତର୍ଗତ କୁମ୍ଭାରୀଗାଁରେ ବୋଲି କୁହାଯାଉଛି। ଟୁକୁନା ଦୁଷ୍କର୍ମ ଓ ହତ୍ୟା ମାମଲାରେ କାରାଦଣ୍ଡାଦେଶ ପାଇ ଗତ ଦୁଇ ବର୍ଷ ହେବ ବାଲିଗୁଡ଼ା ସବଜେଲରେ ରହୁଥିଲେ। ଜେଲ ପରିସରରେ ଥିବା ଏକ ଝରକାର ଲୁହା ଗ୍ରିଲ କାଟି ସେ ଖସି ପଳାଇଥିବାର ସୂଚନା ମିଳିଛି। ଏନେଇ ଜେଲର୍ ବାଲିଗୁଡ଼ା ଥାନାରେ ଏତଲା ଦେଇଛନ୍ତି। ଏହାଛଡ଼ା ଫେରାର କଏଦୀଙ୍କୁ ଖୋଜିବାହାର କରିବାକୁ ତତ୍ପରତା ପ୍ରକାଶ ପାଇଛି।
