ପ୍ରବାସୀଙ୍କୁ ନେଇ ଯାଉଥିବା ବସର ଚକା ଫାଟିଗଲା

ନୂଆଦିଲ୍ଲୀ: ୬୪ ଜଣ ପ୍ରବାସୀଙ୍କୁ ନେଇ ଯାଉଥିବା ଏକ ବସ ଦୁର୍ଘଟଣାର ଶିକାର ହୋଇଛି। ବସର ଚକା ଫାଟିଯିବା ପରେ ଡ୍ରାଇଭର ଭାରସାମ୍ୟ ହରାଇଥିଲେ। ଏହାପରେ ବସଟି ଦୁର୍ଘଟଣାର ଶିକାର ହୋଇଛି। ୬୪ ଯାତ୍ରୀଙ୍କ ମଧ୍ୟରୁ ୧୮ ଜଣ ଆହତ ହୋଇଥିବା ସୂଚନା ରହିଛି। ବସଟି ପ୍ରବାସୀଙ୍କୁ ନେଇ ଦିଲ୍ଲୀରୁ ବିହାର ମୁଜାଫରନଗର ଯାଉଥିଲା। କାନପୁର ଦେଇ ଯାଇଥିବା ଆଗ୍ରା-ଲକ୍ଷ୍ନୌ ଏକ୍ସପ୍ରେସ ଓ୍ୱେ ନିକଟରେ ଦୁର୍ଘଟଣାର ଶିକାର ହୋଇଥିଲା ବୋଲି ବିଲହଉରୁ ଥାନା ଅଧିକାରୀ ସନ୍ତୋଷ କୁମାର ଅଓ୍ୱସ୍ତୀ କହିଛନ୍ତି।

18 migrants hurt as bus overturns in UP’s Kanpur

— Press Trust of India (@PTI_News) June 15, 2020

ବସଟି ଦୁର୍ଘଟଣାର ଶିକାର ହେବା ପରେ ସ୍ଥାନୀୟ ଲୋକମାନେ ଦୁର୍ଘଟଣାସ୍ଥଳକୁ ଯାଇଥିଲେ। ଏହାପରେ ପୁଲିସକୁ ସୂଚନା ମିଳିଥିଲା। ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି। ଗୁରୁତରଙ୍କୁ ଲାଲା ଲଜପତ ରାୟ ହସ୍ପିଟାଲକୁ ସ୍ଥାନାନ୍ତର କରାଯାଇଛି।