ସତ୍ୟଶିଖା( ନିଆଳି )୧୩.୦୮ . ୨୦୨୨: ନିଆଳିରୁ ଆସୁଥିବା ଛେନାରେ ବ୍ୟବସାୟମାନେ ଅପମିଶ୍ରଣ କରି ବିକ୍ରି କରୁଥିବା ଅଭିଯୋଗ ଆସିବା ପରେ ଛେନାର ମାନ ଯାଞ୍ଚ କରିଛି ସିଏମସି ସ୍ୱାସ୍ଥ୍ୟ ବିଭାଗ। ଗତକାଲି କଟକ ମହାନଗର ନିଗମର ସ୍ୱାସ୍ଥ୍ୟ ବିଭାଗ ଅଧିକାରୀ ଲିଙ୍କ୍ ରୋଡ଼ ସ୍ଥିତ ଛେନା ବ୍ୟବସାୟ ସ୍ଥଳରେ ପହଞ୍ଚି ସମସ୍ତ ଛେନାର ମାନ ଯାଞ୍ଚ କରିଥିଲେ।
ପ୍ରତିଦିନ ନିଆଳି ଓ କାକଟପୁର ଅଞ୍ଚଳରୁ ୧୦୦ କୁଇଣ୍ଟାଲରୁ ଅଧିକ ଛେନା କଟକକୁ ଆସିଥାଏ। ଯାହା ସହର ଓ ଜିଲ୍ଲାର ବିଭିନ୍ନ ମିଠା ଦୋକାନକୁ ଯାଇଥାଏ। ଏହାଛଡ଼ା ପଡୋଶୀ ଜିଲ୍ଲାକୁ ମଧ୍ୟ ଯାଇଥାଏ ନିଆଳି ଛେନା। ତେବେ ଏହି ଛେନା ନିମ୍ନମାନର ଓ ଏଥିରେ ବିଭିନ୍ନ ଜିନିଷ ଅପମିଶ୍ରିତ କରାଯାଉଛି ବୋଲି ଅଭିଯୋଗ ଆସିବା ପରେ ଗତକାଲି ସିମଏସି ପକ୍ଷରୁ ଏହାର ମାନ ପରୀକ୍ଷା କରାଯାଇଥିଲା।
