ସତ୍ୟଶିଖା ୬/୧୧/୨୦୨୦ :
ଆବଶ୍ୟକ ସାମଗ୍ରୀ –
ପାଳଙ୍ଗ ଶାଗ, ଛତୁ, ପିଆଜ,ରସୁଣ, ଅଦା, ଟମାଟୋ, କଂଚାଲଙ୍କା, ଲୁଣ ,ତେଲ ।
ପ୍ରସ୍ତୁତି ପ୍ରଣାଳୀ-
ପ୍ରଥମେ ଛତୁକୁ ଧୋଇ ,ଛୋଟ ଛୋଟ କାଟି ସେଥିରେ ହଳଦୀ ଓ ଲୁଣ ପକାଇ ଅଳ୍ପ ତେଲରେ ଭାଜି ରଖନ୍ତୁ । ଅନ୍ୟପଟେ ପାଳଙ୍ଗ ଶାଗକୁ ବାଛି,ଧୋଇ ପାଣିରେ ସିଝାଇ ରଖନ୍ତୁ । ସିଝିଯିବା ପରେ ତାକୁ ଭଲଭାବେ ଚକଟି ପେଷ୍ଟ କରି ରଖନ୍ତୁ । ଏହା ପରେ ଗ୍ୟାସରେ ପ୍ୟାନ ବସେଇ ସେଥିରେ ତେଲ ପକାନ୍ତୁ । ତେଲ ଗରମ ହେବାପରେ ସେଥିରେ କଟା ପିଆଜ ପକାଇ ଭାଜନ୍ତୁ । ପିଆଜ ନାଲି ପଡିଯିବା ପରେ ସେଥିରେ କଟା ରସୁଣ ଓ କଟା ଅଦା ପକାଇ ଭାଜନ୍ତୁ । ଅଦା ଗନ୍ଧ ଯିବାପରେ ସେଥିରେ କଟା କଂଚାଲଙ୍କା ଓ କଟା ଟମାଟୋ ପକାଇ ଭାଜନ୍ତୁ । ଟମାଟୋ ମସଲାରେ ମିଶିଯିବା ପରେ ସେଥିରେ ଭଜା ହୋଇ ଥିବା ଛତୁ ପକାଇ ମିକ୍ସ କରନ୍ତୁ ଏହା ମିକ୍ସ ହେବା ପରେ ସେଥିରେ ପାଳଙ୍ଗ ପେଷ୍ଟ ପକାଇ ଆବଶ୍ୟକ ଅନୁଯାୟୀ ଲୁଣ ପକାଇ ମିଶାନ୍ତୁ । ଆବଶ୍ୟକ ହେଲେ ଅଳ୍ପ ପାଣି ମଧ୍ୟ ମିଶାଇ ପାରିବେ । ଏହାକୁ ଅଳ୍ପ ଆଂଚରେ କିଛି ସମୟ ଘୋଡାଇ ବସାନ୍ତୁ । କିଛି ସମୟ ପରେ ଢାଙ୍କୁଣି କାଢି ଏକ ପ୍ଲେଟକୁ କାଢନ୍ତୁ । ପ୍ରସ୍ତୁତ ହୋଇଗଲା ଛତୁ-ପାଳଙ୍ଗ । ଏହାକୁ ଗରମ ଗରମ ଭାତ ବା ରୁଟି ସହିତ ଖାଇପାରିବେ ।
