ସତ୍ୟଶିଖା ୩୧.୦୮.୨୦୨ ୦ : ଉତ୍ତର କାଶ୍ମୀରର ବାରାମୂଳା ଜିଲ୍ଲାରେ ଆତଙ୍କବାଦୀମାନେ ସେନା ଉପରେ ଗ୍ରେନେଡ ଆକ୍ରମଣ କରିଛନ୍ତି । ଏହି ସମୟରେ 6 ଜଣ ସାଧାରଣ ନାଗରିକ ଆହତ ହୋଇଛନ୍ତି । ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଆକ୍ରମଣକାରୀଙ୍କୁ ଧରିବା ପାଇଁ ସମ୍ପୂର୍ଣ୍ଣ ଅଞ୍ଚଳକୁ ଘେରାବନ୍ଦୀ କରି ସୁରକ୍ଷାବାହିନୀ ତଲାଶି କରୁଛି ।
ଜଣେ ଅଧିକାରୀଙ୍କ ସୂତ୍ର ମୁତାବକ, ବାରାମୂଳାର ଆଜାଦ ଗୁଞ୍ଜ ପୋଲ ନିକଟରେ ଆତଙ୍କବାଦୀମାନେ ସେନାକୁ ଟାର୍ଗେଟ କରିଛନ୍ତି । ଆତଙ୍କୀମାନେ ଗ୍ରେନେଡ ସାହାଯ୍ୟରେ ଆକ୍ରମଣ କରିବାକୁ ଚେଷ୍ଟା କରିଥିଲେ । ଏହି ସମୟରେ ଗ୍ରେନେଡ ନିଶାନା ଚ୍ୟୁତ ହୋଇ ରାସ୍ତାର ପାର୍ଶ୍ଵରେ ପଡ଼ି ବିସ୍ଫୋରଣ ହୋଇଥିଲା । ଫଳରେ 6 ଜଣ ସାଧାରଣ ନାଗରିକ ଆହତ ହୋଇଛନ୍ତି । ସେମାନଙ୍କର ଚିକିତ୍ସା ଚାଲିଛି । ସେପଟେ ସମ୍ପୂର୍ଣ୍ଣ ଅଞ୍ଚଳକୁ ଘେରାବନ୍ଦୀ କରି ସୁରକ୍ଷାବାହିନୀ ପକ୍ଷରୁ ସର୍ଚ୍ଚ ଅପରେଶନ ଜାରି ରହିଛି ।
