ସତ୍ୟଶିଖା( ଭୁବନେଶ୍ୱର)୨୨.୦୪.୨୦୨୨: ବୁର୍ଲା : ଆଜି ସମ୍ବଲପୁର ବିଶ୍ୱବିଦ୍ୟାଳୟର ୩୧ତମ ସମାବର୍ତ୍ତନ ଉତ୍ସବ ଅନୁଷ୍ଠିତ ହୋଇଯାଇଛି। କରୋନାର ୨ ବର୍ଷ ବ୍ୟବଧାନରେ ସମ୍ବଲପୁର ବିଶ୍ୱବିଦ୍ୟାଳୟରେ ସମାବର୍ତ୍ତନ ଉତ୍ସବ ପାଳିତ ହେଉଛି। ଏହି ଉତ୍ସବରେ କୁଳାଧିପତି ପ୍ରଫେସର ଗଣେଶି ଲାଲ ଏବଂ ମୁଖ୍ୟ ଅଥିତି ଭାବେ ଦକ୍ଷତା ବିକାଶ ଅଧ୍ୟକ୍ଷ ସୁବ୍ରତ ବାଗଚି ଯୋଗ ଦେଇଥିଲେ। ଏହି ଅବସରରେ ୧୮୪ଜଣ ପିଏଚଡି ଏବଂ ପୋଷ୍ଟ ପିଏଚଡି ଡିଗ୍ରୀ ଛାତ୍ର ଛାତ୍ରୀଙ୍କୁ ସାର୍ଟିଫିକେଟ ପ୍ରଦାନ କରାଯାଇଛି।
ସେହିପରି ୧୦୧ ଜଣ ଛାତ୍ରଛାତ୍ରୀଙ୍କୁ ସ୍ୱର୍ଣ୍ଣ ପଦକ ଦିଆଯାଇଛି। ସମ୍ବଲପୁର ବିଶ୍ୱବିଦ୍ୟାଳୟ ଅନ୍ତର୍ଗତ ଥିବା ୬ଟି ଜ଼ୀଲ୍ଳାର ୧୫୧ କଲେଜ ମାନଙ୍କରେ ୨ ବର୍ଷ ମଧ୍ୟରେ ଉତ୍ତୀର୍ଣ୍ଣ ହୋଇଥିବା ୬୦,୫୫୦ଜଣ ଛାତ୍ରଛାତ୍ରୀ ମାନଙ୍କୁ ମଧ୍ୟ ପିଜି ଏବଂ ୟୁଜି ସାର୍ଟିଫିକେଟ ପ୍ରଦାନ କରାଯାଇଛି। ସେହିପରି ପଦ୍ମଶ୍ରୀ ମେଜର ଇଗ୍ନେଶ ତିର୍କୀଙ୍କୁ ସମ୍ମାନ ସୂଚକ ଡିଲିଟ ଉପାଧି ମିଳିଥିଲା ଓ ସୁବାଷ ଚନ୍ଦ୍ର ଗୁପ୍ତାଙ୍କୁ ମଧ୍ୟ ସଫଳ ଉଦ୍ୟଗି ପାଇଁ ସମ୍ମାନ ସୂଚକ ଡିଲିଟ ଉପାଧି ଦିଆଯାଇଥିଲା । ଡିଲିଟ ଡ଼କ୍ଟର ଅଫ ଲିଟରେଚରରେ ୨୦୨୦ପାଇଁ ଡ଼. ସୁପ୍ରିୟ ରୋୟ,୨୦୨୧ ପାଇଁ ଡ଼. ଜୟଶ୍ରୀ ମିଶ୍ର ଓ ୨୦୨୨ ପାଇଁ ଡ଼. ମାନସ କୁମାର ଦାସଙ୍କୁ ଏହି ଉପାଧି ମିଳିଥିଲା। ସମ୍ବଲପୁର ବିଶ୍ୱବିଦ୍ୟାଳୟ ବର୍ତ୍ତମାନ ୨୫ ଟି ବଡ଼ ଗବେଷଣା ପାଇଁ ୧୧ କୋଟି ୧୦ଲକ୍ଷ ୮ ହଜ଼ାର ଦୁଇ ଶହ ଟଙ୍କା ପାଇଥିବା ବେଳେ ୯ ଟି ଛୋଟ ଛୋଟ ଗବେଷଣା ପାଇଁ ୩୧ ଲକ୍ଷ ୫୪ହଜ଼ାର ଟଙ୍କା ବିଭିନ୍ନ ସଂସ୍ଥା ପକ୍ଷରୁ ମିଳିଥିବା ବିଶ୍ୱବିଦ୍ୟାଳୟ କୁଳପତି ସୂଚନା ଦେଇଛନ୍ତି ।
