କରାଚି: ବର୍ତ୍ତମାନର କରୋନା ବିରୋଧରେ ସାରା ବିଶ୍ୱ ଲଢ଼ୁଛି। ଆଉ ଏହି ସମୟରେ ଅହମଦୀୟା ମୁସଲିମ୍ ଗୋଷ୍ଠୀ ମଧ୍ୟ ‘ହ୍ୟୁମାନିଟି ଫାର୍ଷ୍ଟ’ ଅଭିଯାନ କରିଛନ୍ତି। ଏହି ସଂଗଠନ ସେଠାକାର ପ୍ରଧାନମନ୍ତ୍ରୀଙ୍କ ରିଲିଫ୍ ଫଣ୍ଡକୁ ଦାନ କରିବା ସହ ବିଭିନ୍ନ ସ୍ଥାନରେ ରାସନ୍ ସାମଗ୍ରୀ ବଣ୍ଟନ କରିଛନ୍ତି। କିନ୍ତୁ ପାକିସ୍ତାନର କିଛି ଗୋଷ୍ଠୀ ଏହାକୁ ବିରୋଧ କରିବା ଚର୍ଚ୍ଚାରେ ରହିଛି।
ଆହୁରି ପଢ଼ନ୍ତୁ
ତେବେ ବିଭିନ୍ନ ଚରମପନ୍ଥୀ, ଉଗ୍ର ସଂଗଠନ ଏବଂ କିଛି ଧାର୍ମିକ ସଂଗଠନ ଅହମଦୀୟାଙ୍କ ସେବା କାର୍ଯ୍ୟକୁ ଗ୍ରହଣ କରିପାରିନାହାନ୍ତି। ସେମାନେ ଆହ୍ୱାନ କରିଛନ୍ତି ଅହମଦୀୟାଙ୍କ ସେବାକାର୍ଯ୍ୟକୁ ବୟକଟ୍ କରାଯାଉ। ଏମାନଙ୍କୁ ଭାରତର ସିମ୍ପାଥାଇଜର ବୋଲି ମଧ୍ୟ କୁହାଯାଇଛି।
ଏଭଳି ଏକ ସଂଗଠନ ଇଣ୍ଟରନ୍ୟାସନାଲ ଖାତୁମ୍ ଏ ନବାୱତ୍ର ମୁଖ୍ୟ ମୌଲାନା ମହମ୍ମଦ ଇଲିୟାସ୍ ୧୯୬୫ ଭାରତ ଓ ପାକିସ୍ତାନ ମଧ୍ୟରେ ହୋଇଥିବା ଯୁଦ୍ଧର ଉଦାହରଣ ନେଇ ଅହମଦୀୟାଙ୍କୁ ଦେଶଦ୍ରୋହୀ ଭାବେ ଅଭିହିତ କରିଛି। କରାଚିରେ ସେବାବ୍ରତୀ କିଛି ଅହମଦୀୟାଙ୍କୁ କିଛି ଲୋକ ହଇରାଣ ମଧ୍ୟ କରିଛନ୍ତି। ଏହା ସତ୍ତ୍ୱେ ପଞ୍ଜାବ ଓ ସିନ୍ଧ ପ୍ରଦେଶ ଆଦିରେ ଅହମଦୀୟା ସେବା କାର୍ଯ୍ୟ ଜାରି ରଖିଛନ୍ତି।
