ସତ୍ୟଶିଖା (ମୁମ୍ବାଇ) ୧୩/୧୦/୨୦୨୦ : ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ସିବିଆଇ ତତନ୍ତ ଭିତରେ ବିହାର ମୁଜାଫରପୁର କୋର୍ଟ ବଲିଉଡର ୭ଜଣ ସେଲିବ୍ରିଟିଙ୍କୁ କୋର୍ଟରେ ହାଜର ହେବାକୁ ନିର୍ଦେଶ ଦେଇଛନ୍ତି । କରଣ ଜୋହର ଓ ଏକତା କପୁରଙ୍କ ଭଳି ବଡ଼ ବଡ଼ ଷ୍ଟାରଙ୍କ ନାଁ ଏଥିରେ ସାମିଲ ଅଛି । ସୁଶାନ୍ତ ସିଂହ ମୃତ୍ୟୁ ପରେ ଓକିଲ ସୁଧୀର ଓଝା ଜୁନ୍ ୧୭ରେ କୋର୍ଟରେ ପରିବାରବାଦ ମାମଲା ଦାୟର କରିଥିଲେ । ଯେଉଁଥିରେ ସୁଶାନ୍ତ ମତ୍ୟୁ ମାମଲାରେ ଏମାନଙ୍କୁ ଦାୟୀ କରାଯାଇ ଥିଲା । କରଣ ଜୋହର, ଆଦିତ୍ୟ ଚୋପ୍ରା, ସଞ୍ଜୟ ଲୀଳା ଭଂସାଲି, ସାଜିଦ ନଦିୟାଓ୍ବାଲା, ଏକତା କପୁର, ଭୂଷଣ କୁମାର ଓ ଦିନେଶ ବିଜାନ ଏଥିରେ ସାମିଲ ଅଛି ।
ଅକ୍ଟୋବର ୨୧ ସୁଦ୍ଧା ସେମାନଙ୍କୁ ନିଜେ ନଚେତ ଓକିଲଙ୍କ ଜରିଆରେ ଉପସ୍ଥିତ ହେବାକୁ ହେବ । ଏହା ପୂର୍ବରୁ ସଲମାନ ଖାନ ସମେତ ଅନ୍ୟ ସମସ୍ତ ସେଲିବ୍ରିଟିଙ୍କୁ ଅକ୍ଟୋବର ୭ରେ କୋର୍ଟରେ ହାଜିର ହେବାକୁ କୁହାଯାଇ ଥିଲା । ମାତ୍ର ସେତେବେଳେ ସଲମାନଙ୍କ ଓକିଲ କୋର୍ଟରେ ଉପସ୍ଥିତ ହୋଇଥିଲେ । ହେଲେ ଅନ୍ୟ ସାତ ଜଣ ସେଲିବ୍ରିଟି ହାଜର ହୋଇ ନ ଥିଲେ । ସୂଚନାଯୋଗ୍ୟ ଓକିଲ ସୁଧୀରଙ୍କ ଅଭିଯୋଗ ଥିଲା ଯେ ଏ ସମସ୍ତ ସେଲିବ୍ରିଟି ସୁଶାନ୍ତ ସିଂହ ରାଜପୁତଙ୍କ ବିରୋଧରେ ଷଡଯନ୍ତ୍ର କରି ସେମାନଙ୍କ ଠାରୁ ଫିଲ୍ମ ଛଡ଼ାଇ ନେଇ ଥିଲେ ଯାହା ପରେ ସେ ଅବସାଦର ଶିକାର ହୋଇ ଆତ୍ମହତ୍ୟା କଲେ ।
