ସତ୍ୟଶିଖା(ଭୁବନେଶ୍ୱର ) ୧୩.୦୧.୨୦୨୨ : ଗତ ସୋମବାର ଦିନ ରାଜଧାନୀ ଭୁବନେଶ୍ୱର ଉପକଣ୍ଠ ଭାରତପୁର ତାରିଣୀ ବସ୍ତିରୁ ଉଦ୍ଧାର ହୋଇଥିଲା ଜଣେ ଯୁବତୀଙ୍କ ମୃତ ଦେହ । ପରେ ତାଙ୍କ ନାମ ସୁରେଖା ପଲାଇ ବୋଲି ଜଣା ପଡିଥିବା ବେଳେ ମୃତ୍ୟୁ କେମିତି ହେଲା ଆତ୍ମ ହତ୍ୟା ନା ହତ୍ୟା ତାଙ୍କୁ ସସ୍ପେନ୍ସ ବଢୁଥିବା ବେଳେ ଆଜି ଏହି ମାମଲାରେ କମିଶନରେଟ୍ ପୋଲିସ୍ ୩ ଅଭିଯୁକ୍ତଙ୍କୁ ଗିରଫ କରିଥିବା ଜଣାପଡିଛି ।
ସୁରେଖାଙ୍କୁ ହତ୍ୟା କରାଯାଇଥିବା ତାଙ୍କ ମା’ ଅଭିଯୋଗ କରିଥିବା ବେଳେ ଆଜି ତାଙ୍କ ବୟଫ୍ରେଣ୍ଡ ଛୋଟୁ ଓ ତାର ଦୁଇ ସହଯୋଗୀଙ୍କୁ ପୋଲିସ୍ ଗିରଫ କରିଛି । ଘଟଣା ଦିନଠାରୁ ଫେରାର ଥିଲେ ଦୁଇ ଅଭିଯୁକ୍ତ ।
ସବୁଠାରୁ ବଡ଼ କଥା ହେଲା ଏପର୍ଯ୍ୟନ୍ତ ଏହା ଏକ ହତ୍ୟା ନା ଆତ୍ମହତ୍ୟା ସେ ନେଇ କୌଣସି ନିଷ୍କର୍ସରେ ପହଞ୍ଚି ପାରୁନି କମିଶନରେଟ୍ ପୋଲିସ୍ । ଅର୍ଦ୍ଧ ନଗ୍ନ ଅବସ୍ଥାରେ ସୁରେଖାଙ୍କ ମୃତ ଦେହ ଉଦ୍ଧାର କରାଯାଇଥିବା ବେଳେ ଶ୍ୱାସ ରୁଦ୍ଧ ହୋଇ ମୃତ୍ୟୁ ହୋଇଥିବା ପୋଷ୍ଟ ମର୍ଟମ ରିପୋର୍ଟରୁ ସ୍ପଷ୍ଟ ହୋଇଛି ।
ଏହି ଘଟଣା ପୂର୍ବରୁ ନିଜର ଜଣେ ପୁରୁଷ ବନ୍ଧୁଙ୍କ ଘରେ ଭୋଜି କରୁଥିଲେ ସୁରେଖା । ସେଥିରେ ସାମିଲ ଥିଲେ ଆଉ ଦୁଇ ଜଣ ଯୁବକ । ତେଣୁ ସେହି ଭୋଜିରେ ଏମିତି କିଛି ରହସ୍ୟ ଥିଲା ଯାହା ସୁରେଖାଙ୍କ ମୃତ୍ୟୁ ପଛର କାରଣ ହୋଇଥାଇ ପାରେ ବୋଲି ପୋଲିସ ସନ୍ଦେହ କରୁଛି । ଯାହାକୁ ନେଇ ଆଜି ୩ ଅଭିଯୁକ୍ତଙ୍କୁ ଗିରଫ କରାଯାଇଥିବା ସୂଚନା ମିଳିଛି ।
