ସତ୍ୟଶିଖା ( ଢେଙ୍କାନାଳ ) ୧୨/୧୧/୨୦୨୦ : ବାପ-ଝିଅ ଜିଲ୍ଲାପାଳଙ୍କ ଅଫିସ ସାମ୍ନାରେ ଆତ୍ମହତ୍ୟା ଉଦ୍ୟମ l ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ସାଆନ୍ଦା ସରବେରେଣୀ ଗାଁର ବାପା ଓ ଝିଅ ଦେହରେ କିରୋସିନ ଢାଳି ଆତ୍ମହତ୍ୟା ଉଦ୍ୟମ କରିଛନ୍ତି । ଜାଗାବାଡି ସମସ୍ୟା ନେଇ ବାରମ୍ବାର ପ୍ରଶାସନ ପାଖରେ ଗୁହାରୀ କରି ବିଫଳ ହେବାରୁ ଏଭଳି ଉଦ୍ୟମ କରିଛନ୍ତି ବାପା ରବି ବେହେରା ଓ ଝିଅ ସବିତା ବେହେରା । ଟାଉନଥାନା ପୋଲିସକୁ ଖବର ପରେ ଉଭୟ ବାପା ଝିଅଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଯାଇଛି ।
ସୂଚନା ମୁତାବକ ରବି ବେହେରାଙ୍କ ଚାରି ଡେସିମିଲ ଜାଗାରୁ କିଛି ଅଂଶ ଗ୍ରାମବାସୀ, ସରପଞ୍ଚ ଓ ତହସିଲଦାର ଚଞ୍ଚକତା କରି ଜୋର ଜବରଦସ୍ତ ମାଡି ବସିବାକୁ ଅପଚେଷ୍ଟା କରୁଛନ୍ତି । ଏନେଇ ବାରମ୍ବାର ରବି ବେହେରା ଜିଲ୍ଲା ଆରକ୍ଷୀ ଅଧିକ୍ଷକ ଓ ଜିଲ୍ଲାପାଳଙ୍କ ପାଖରେ ଅଭିଯୋଗ କରି ଆସୁଥିଲେ ମଧ୍ୟ କେହି କର୍ଣ୍ଣପାତ କରୁନଥିବାରୁ ବାଧ୍ୟହୋଇ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଦେହରେ କିରୋସିନ ଡାଳି ଆତ୍ମହତ୍ୟା ଉଦ୍ୟମ କରିଥିଲେ ଉଭୟ ବାପା ରବି ବେହେରା ଓ ଝିଅ ସବିତା ବେହେରା ।
