ସତ୍ୟଶିଖା (ଭୁବନେଶ୍ୱର) ୧୭।୦୭: ରାଜଧାନୀ ଭୁବନେଶ୍ୱରରେ କରୋନା ମାମଲା ଅଧିକ ରହିଛି । ତେଣୁ ଭୁବନେଶ୍ୱରରେ ଲକଡାଉନ୍କୁ କଡାକଡି ଭାବେ ପାଳନ କରାଯିବ । ଏପରିକି ଆଇନ ନମାନିଲେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ପୋଲିସ କମିଶନର ସୁଧାଂଶୁ ଷଡଙ୍ଗୀ ।
ପୋଲିସ କମିଶନର କହିଛନ୍ତି ଯେ, ରାଜଧାନୀରେ ସ୍ଥିତି ସ୍ୱାଭାବିକ ହୋଇନାହିଁ । ତେଣୁ ରାଜଧାନୀରେ ଲକଡାଉନ୍ କଡାକଡି ହେବ । ନିୟମ ମାନିବାକୁ ପଡିବ। ଦିନ ୧ଟା ଯାଏଁ ରାସନ, ପରିବା ଆଦି ଦୋକାନ ଖୋଲା ରହିବ । ଘର ପାଖ ଦୋକାନରୁ ପରିବା ରାସନ କିଣିବାକୁ କମିଶନର ପରାମର୍ଶ ଦେଇଛନ୍ତି ।
ଏତତ୍ ବ୍ୟତୀତ, ଚାଲିଚାଲି ପରିବାପତ୍ର କିଣିବାକୁ କମିଶନର କହିବା ସହ ବାଇକରେ ଗଲେ ବାଇକ୍ ଜବତ ହେବ ବୋଲି କହିଛନ୍ତି । ଆହୁରି ମଧ୍ୟ ବାହାଘର କିମ୍ବା ଶୁଦ୍ଧିକାର୍ଯ୍ୟ ପାଇଁ ଅନୁମତି ଆବଶ୍ୟକ । ମିଛ ପ୍ରେସ କାର୍ଡ ଦେଖାଇଲେ ଆକ୍ସନ ନିଆଯିବ ବୋଲି କମିଶନର କହିଛନ୍ତି ।
