ସତ୍ୟଶିଖା(ଭୁବନେଶ୍ୱର )୨୮.୧୦ .୨୦୨୧: ପ୍ରତିରକ୍ଷା କ୍ଷେତ୍ରରେ ଆଉ ପାଦେ ବଢିଲା ଭାରତ । ଡିଆରଡିଓକୁ ଜବରଦସ୍ତ ସଫଳତା । ବଢିଲା ଭାରତର ମିସାଇଲ ଶକ୍ତି । ବୁଧବାର ବାଲିଷ୍ଟିକ ମିସାଇଲ ଅଗ୍ନି-୫ର ସଫଳ ପରୀକ୍ଷଣ କରିଛି ଡିଆରଡିଓ । ଓଡିଶା ଉପକୂଳ ଧାମରା ନିକଟବର୍ତ୍ତୀ ଅବଦୁଲ କଲାମ ଦ୍ବୀପରୁ ଭୂପୃଷ୍ଠରୁ ଭୁପୃଷ୍ଠକୁ ନିକ୍ଷେପ କରାଯାଉଥିବା ଅନ୍ତଃମହାଦେଶୀୟ ବାଲାଷ୍ଟିକ୍ ମିସାଇଲ୍ ଅଗ୍ନି-୫ ର ସଫଳତାର ସହ ପରୀକ୍ଷଣ ହୋଇଛି । ଏହି ସଫଳ ପରୀକ୍ଷଣ ପରେ ଭାରତ ସରକାରଙ୍କ ପକ୍ଷରୁ ସୂଚନା ଦିଆଯାଇଛି । ତେବେ ପରମାଣୁ ଅସ୍ତ୍ର ପ୍ରୟୋଗ କ୍ଷେତ୍ରରେ ଭାରତ ‘ପ୍ରଥମ ବ୍ୟବହାର କରିବ ନାହିଁ’ ନୀତି ଅବଲମ୍ବନ କରିବ ବୋଲି କହିଛନ୍ତି ଭାରତ ସରକାର ।
ଏହାର ଲକ୍ଷଭେଦ କ୍ଷମତା ରହିଛି ୫ ହଜାର କିମିରୁ ୮ ହଜାର କିମି । ଯାହା ଭାରତର ପ୍ରତିରକ୍ଷା ଗବେଷଣା କ୍ଷେତ୍ରରେ ଏକ ବଡ ସଫଳତା । ଆଜିର ଏହି ସଫଳ ପରୀକ୍ଷ ପରେ ଭାରତ ପ୍ରତିରକ୍ଷା ଗବେଷଣା କ୍ଷେତ୍ରରେ ମାଇଲ ଖୁଣ୍ଟ ଅତିକ୍ରମ କରିଛି ।ଭାରତର ପରଣାଣୁ ଶକ୍ତି ସମ୍ପନ୍ନ ଇଣ୍ଟର କଣ୍ଟିନେଟାଲ୍ ବାଲାଷ୍ଟିକ ମିସାଇଲ ଅଗ୍ନି-୫ର ସଫଳ ପରୀକ୍ଷଣ ପରେ ଚୀନ ସମେତ ଅନେକ ଦେଶଙ୍କ ମନରେ ପଶିଛି ଛନକା । ଏହାପୂର୍ବରୁ ୭ ଥର ଅଗ୍ନି-୫ ମିସାଇଲର ପରୀକ୍ଷଣ କରିସାରିଛି ଭାରତ ।ଏହି ମିସାଇଲର ରେଞ୍ଜ ୫୦୦୦ରୁ ୮୦୦୦ କିଲୋମିଟର ରହିଛି ।ଅଗ୍ନି-୫ର ଓଜନ ହେଉଛି ୫୦ ହଜାର କିଲୋଗ୍ରାମ । ଏହା ୧୭.୫ ମିଟର ଲମ୍ବ ଓ ଏହାର ମୋଟେଇ ରହିଛି ୨ ମିଟର ଅର୍ଥାତ ୬.୭ ଫୁଟ । ଏହା ଉପରେ ୧୫୦୦ କିଲୋଗ୍ରାମ ଓଜନର ପରମାଣୁ ଅସ୍ତ୍ର ଲଗାଯାଇପାରିବ ।ଏହି ମିସାଇଲରେ ୩ଟି ପର୍ୟ୍ୟାୟ ରକେଟ ବୁଷ୍ଟର ରହିଛି, ଯାହା କଠିନ ଇନ୍ଧନରେ ଉଡିପାରେ । ଏହାର ବେଗ ଧ୍ବନିର ଗତିଠୁ ୨୪ ଗୁଣ ଅଧିକ । ଅର୍ଥାତ ଏକ ସେକେଣ୍ଡରେ ଏହି ମିସାଇଲ ୮.୭ କିଲୋମିଟର ଦୂର ଗତିକରିପାରେ । ଏହା ପ୍ରତିଘଣ୍ଟାରେ ୨୯,୪୦୧ କିଲୋମିଟର ବେଗରେ ଶତ୍ରୁ ଉପରେ ଆକ୍ରମଣ କରିବାରେ ସକ୍ଷମ ।
ଭାରତ ଯଦି ଏହି ମିସାଇଲକୁ ଶତ୍ରୁକୁ ଆକ୍ରମଣ ଉଦ୍ଦେଶ୍ୟରେ ଉତକ୍ଷେପଣ କରେ ତେବେ ସମ୍ପୂର୍ଣ୍ଣ ଏସିଆ, ୟୁରୋପ, ଆଫ୍ରିକାର କିଛି ଅଂଶ ସମ୍ପୂର୍ଣ୍ଣ ନଷ୍ଟ ହୋଇଯିବ ।
